اسلام آباد۔ 16 جون (اے پی پی) وزیراعظم محمد شہباز شریف تون قومی اسمبلی نا باسک عامر طلال گوپنگ، ملک ابراراحمد، جمال شاہ کاکڑ و آغارفیع اللہ ئسک جتا جتا اوڑدہی کریر و وزیراعظم ءِ مشکل حالیت آتیٹی اسہ الس دوست ءُ بجٹ اس پیش کننگ آمبارکبادی تسر و اونا منظوری نا بابت تینا تائید ومخ تفی نا باوری کرفیر۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ داوخت آ قومی اسمبلی نا باسک آک پاریر کہ وزیراعظم شہباز شریف نا کماشی ٹی ملک زرگزرانی و دفاعی وڑاٹ سوگو مس۔ اوڑدہی ٹی تعلقدار حلقہ غاتا امور آ گپ وتران کننگا۔
