اسلام آباد۔ 16جون (اے پی پی) وزیراعظم محمد شہباز شریف پارینے کہ پاکستان اٹی ہندن ءُ پائیدار و پوسکن آئی سی ٹی نظام اس ٹہیفنگک ہراڑآن پاکستان ڈیہہ اٹی آئی ٹی بشخ انا بابت مرکز جوڑ مرسا مون آ بریک، پاکستان اٹی آئی ٹی بشخ انا پوسکن ہیلکاری پروگرام تیان ہندی کہول آ بدلی کن ورناتے تیار کننگے، آئی ٹی بشخ انا ہندن ءُ تربیت و کسب فراوان کننگے، ہراڑآن ورناتا روزگار پک مرے وخت اس کہ وزیراعظم ءِ پاننگانے کہ برجاتیرمہ نا چھٹی تیٹی 1 لکھ 46 ہزار چناتے وزارت بنجائی تعلیم و کسبی تربیت، وزارت انفارمیشن ٹیکنالوجی و ہواوے نا شریداری اٹ آئی ٹی نا تربیت فراوان کننگک۔ دوشنبے نادے آ وزیراعظم آفس نا میڈیا ونگ آن جاری پریس ریلیز نا رداٹ وزیراعظم محمد شہباز شریف نا کماشی ٹی ورناتے آئی ٹی بشخ انا تربیت و پاکستان اٹی ہیلکاری پروگرام تا ایکو سسٹم نا ٹہیفنگ و جاری نا بابت جاچ دیوان اس اڈ ہلک۔ وزیراعظم محمد شہباز شریف نا کماشی ٹی ورناتے آئی ٹی بشخ انا تربیت و پاکستان اٹی ہیلکاری پروگرام تا ایکو سسٹم ءِ گچین کننگ نا بابت دیوان اس اڈہلک۔ دیوان اٹی بنجائی وزیر احد خان چیمہ، شزہ فاطمہ خواجہ، چیئرمین وزیراعظم یوتھ پروگرام رانا مشہود احمد خان، چیئرمین ہائیر ایجوکیشن کمیشن و تعلقدار بڑزکو کمامدارآک بشخ ہلکر۔ دیوان ءِ پاننگاکہ پاکستان اٹی آئی ٹی بشخ انا پوسکن تربیت کن نظام نا ٹہیفنگ و اجراآ ترندی اٹ کاریم برجاءِہراڑکن کنسلٹنسی فرم آتا خذمت آتا دوئی کننگ نا بابت ٹرمز آف ریفرنسز گڈیکو ریسہ غاتیٹی ءُ۔ دیوان ءِ مستی پاننگاکہ ہواوے نا کمک اٹ داتم اسکان 20 ہزار طالب علم آتے آئی ٹی بشخ انا پوسکن تربیت فراوان کننگانے و زوت آتے اٹ تدوک آ سال تربیت یافتہ پاکستانی طالب علم آک نئے بیرہ مچ آ چین بلکن جہانی کہول آ آئی ٹی نا مسہ بشخ آتیٹی اولیکو مسہ پوزیشن ءِ کٹسا پاکستان نا پن ءِ روشناکرینو، دا مقابلہ غاتیٹی مچ آ دنیا غان 2 لکھ اومیتدار اوار ئسر۔ وزیراعظم مقابلہ ٹی سرسہب مرسا پاکستان نا کاٹم ءِ گمراٹ بڑزکروک آ خوانوک آ مارو مسن تا پذیرائی ءِ کرے۔ دیوان ءِ پاننگاکہ ہائر ایجوکیشن کمیشن و ہواوے نا شریداری اٹ پین 80 ہزار خوانوک آ مار و مسن تے آئی ٹی تربیت نا فراوانی نا ہدف نا دوئی کننگ کن گام گیج برجاءِ ہرافتے ٹی نئے بیرہ بھلا شار بلکن بلوچستان تون اوار مرمر انگا علاقہ بشمول تربت اٹی ہم آن لائن کلاس فراوان کننگک۔ وزیراعظم ءِ حوال ترساپاننگاکہ ٹرینرآتے پوسکن آ ٹیکنالوجی و ساڑی آ دور انا خواست آتا رداٹ کورس آتا تربیت کن آزاد کشمیر، گلگت بلتستان و اسلام آباد اٹی 50 ہزار ٹرینرآتا تربیت نا ہدف ءِ تخنگانے۔ مستی پاننگاکہ ہیلکاری پروگرام نا بیچلرزپروگرام تیٹی شمولیت و مصنوعی ذہانت نا پروگرام تا جاری کننگ آن 3 لکھ خوانوک آ مار و مسن تے آئی ٹی نا بشخ انا تربیت فراوان کننگ نا ہدف ءِ پورو کننگک۔ دیوان ءِ پاننگاکہ برجاتیرمہ نا چھٹی تیٹی 1لکھ 46 ہزار چنا تے وزارت بنجائی تعلیم و کسبی تربیت، وزارت انفارمیشن ٹیکنالوجی و ہواوے نا شریداری اٹ آئی ٹی نا تربیت فراوان کننگک۔ وزیراعظم یوتھ پروگرام نا رداٹ زوت 2 ہزار خوانوک آ مار و مسن تے آئی ٹی نا پوسکن آ کورس آتا تربیت ترسا روزگار نا قابل کننگک۔ وزیراعظم غٹ گام گیج آتا مدت نا تعین ءِ کرسا اوفتے زوت پورو کننگ ناپارت کرساپارے کہ پاکستان اٹی آئی ٹی بشخ انا پوسکن آ ہیلکاری پروگرام تیان ہندی کہول آ بدلی کن ورناتے تیار کننگے، آئی ٹی بشخ انا ہندن ءُتربیت و کسب فراوان کننگے، ہراڑآن ورناتا روزگار پک مرے، پاکستان اٹی ہندن ءُ پائیدار و پوسکن آئی سی ٹی نظام اس ٹہیفنگک ہراڑآن پاکستان ڈیہہ اٹی آئی ٹی بشخ انا بابت مرکزی حب جوڑمرسا مون آ بریک، دا بابت ہندی کمپنی تے آئی ٹی بشخ انا واکدار افرادی قوت نا فراوانی ءِ پک کننگک ہراڑآن او جہانی خواست آتے پورو کننگ کیر، و ملک اٹی زرمبادلہ اتنگ کیرہ۔ وزیراعظم پارے کہ ہیلکاری نظام کن کنسلٹینسی نا بابت پیدوار ٹرمز آف ریفرنسز ٹی او آرز جوڑ کننگے۔ وزیراعظم پارے کہ نظام نا ٹہیفنگ و اجراکن مدت نا تعین ءِ کننگے و زوت اونا پوروی ءِ پک کننگے، ہیلکاری پروگرامک مثبت و تعمیری مریر ہرا ورناتے جہانی رداٹ کارآمد فرد جوڑ کیر، پاکستان نا غٹ آن نہادی میرات ننا لائخ آ ورناک افرادی قوت ءُ۔ وزیراعظم انفارمیشن پارت کرے کہ ٹیکنالوجی نا تربیت ءِ اسکول و کالج و یونیورسٹی تیٹی فراوان کننگ کن وزارت بنجائی تعلیم ، ہائیر ایجوکیشن کمیشن و نیووٹیک اواری اٹ وزارت آئی ٹی تون کاریم کیر، ساڑی آ باسنی نا چھٹی تیٹی سمرکیمپس آتیٹی آئی ٹی نا تربیت ءِ پک کننگے۔
