لاہور۔13جون  (اے پی پی): مزن وزیر محمد شہباز شریف ءَ ھون ءِ داتگیں مردم آناں شگر ءُ منت ءِ درشانی کنان ءَ ھمک جان سلامتیں شہری ھاسیں رنگ ءَ ورنا آناں گوں اپیل کتگ کہ آ ھون ءِ عطیہ کنگ ءَ انسانیت ءِ ھزمت ءَ بہ کن اَنت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں پریس ریلیز ءِ رد ءَ مزن وزیر محمد شہباز شریف ءَ 14 جون 2025 ءَ جھان ءِ ھون ءِ ڈونر ءِ روچ ءِ موہ ءَ وتی پیغام ءِ تہ ءَ گوشت کہ جھان ءِ ھون ءِ ڈونر ھر سال 14 جون ءَ برجم دارگ بیت۔ بے وسیں وڑے ءَ ھون ءِ عطیہ کنگ ءَ چہ لاکھوں مردماں دومی موہ دیگ ءِ شرپداریں کار ءَ ھوار بہ بیت۔ اے روچ نہ ایوک ءَ سرجمیں دگنیا ءِ رضاکارانی منت واری ءِ درشان اِنت بلکیں اے روچ ءَ ھون ءِ عطیہ کنگ ءِ برجاہ دارگ ءِ ضلورت ءِ سر ءَ ھم زور دیگ بیت۔ مزن وزیر ءَ گوشت کہ ’’ھون بہ دئے، کمک بہ دے: یکجائی ءَ ما جین 2025ءِ بنگپ اِنت ایشی ءِ تہ ءَ نادراہ آنی تہ ءَ زندمان ءِ جذبہ ءِ زندگ کنگ ءِ واستہ باقاعدہ ھون ءِ عطیہ کنگ ءِ ضلورت ءِ سر ءَ زور دیگ بیت۔ آئی ءَ گوشت کہ ما ھون دیوک آنی منت ءَ گر ایں۔ خون ءِ عطیہ کنگ چہ انسانیت ءِ شفقت ءِ عکاسی ءَ ابید ہر ملک ءِ جان سلامتی ءِ نظام ءِ ھاتر ءَ یک ضرورتے ۔ سرجری، زھگ ءِ پیدائش ءُ کینسر ءُ انیمیا ءِ آماچیں نادراہانی واستہ باقاعدہ ھون ءِ عطیہ کنگ ءِ المی ئیں ضلورت ءِ بابت ءَ الس ءِ سرپدی ءَ را گیش کنگ ءِ ضلورت اِنت۔ مزن وزیر ءَ گوشت کہ ورلڈ ہیلتھ آرگنائزیشن ءِ رد ءَ پاکستان ءَ ھون ءِ کمی ءِ سبب ءَ ھون ءِ کمی ءِ آماچ انت۔ پاکستان ءِ حکومت اے جاور ھال ءَ چہ سرجمی ءَ سرپد اِنت ءُ نیشنل بلڈ ٹرانسفیوژن پروگرام ءِ وسیلگ ءَ ھون ءِ کمک ءِ سرپدی مہم ءِ مول ءُ مراد اے چیلنج ءَ را گیواری کنگ اِنت۔ البت اے گیش بوھوکیں جیڑھ ءِ گیش ءُ گیوار ءِ ھاترا مھکمیں اجتماعی کوشست کنگ لوٹ ایت۔ پاکستان ءَ ایوک ءَ 10 درسد ھون ءِ دیوک ءُ ھون ءِ رند ءَ چہ نادراہانی سیاد ءُ سنگتاں چہ رسیت۔ آئی ءَ گوشت کہ من ھمک جان سلامت ءُ دلپھکیں شہری ھاسیں رنگ ءَ ورنا آناں چہ دزبندی کن آں کہ آ وتی شہری فرض ءَ سرپد بہ بنت ءُ ھون ءِ عطیہ کنگ ءَ انسانیت ءِ ھزمت ءَ بہ کن اَنت۔ مزن وزیر ءَ پرائیویٹ بلڈ ڈونیشن ادارگ آناں توسیپ کت کہ آ زلورت مندیں نادراہ آناں جوانیں ھون ءِ پجاری ءِ اے شرپداریں کار ءِ تہ ءَ وتی کرد ءَ پیلو کنگ ءَ اَنت۔ آئی ءَ گوشت کہ یکجائی ءَ ما پاکستان ءَ ایمن ءُ جان سلامت جوڑ کناں۔

متعلقہ مضامینمصنف کی طرف سے مزید