اسلام آباد۔ 13جون (اے پی پی) وزیر ءِ مملکت جان جوڑی ڈاکٹر مختاربھرتھ پارینے کہ چناتے پولیو آن رکھ کننگ حکومت نا اولیت ءِ، پولیو نا پورو چٹفنگ کن وار وار ویکسی نیشن المی ءِ۔ داخیال آتا درشانی ءِ او نیشنل ایمرجنسی آپریشن سینٹر پولیو نا دورہ ءِ کننگ اٹی کرے۔ او انسداد پولیو کن برجاگام گیج و ساڑی آ پولیو مہم نا جاچ ءِ ہلک۔ تعلقدار کمامدار آک اودے حوال ترساپاریر کہ ساڑی مہم اٹی 4 کروڑ 50 لکھ آن زیات چناتے پولیو پڑی کنفنگا۔ ڈاکٹر مختار بھرتھ پارے کہ رکھی ٹیکہ جات نا کوریج اٹی گچینی حکومت نا اولیت آتیٹی اوار ءِ، پولیو نا چٹفنگ کن رکھی ٹیکہ جات نا کوریم ءِ ودفنگ آ خاص چکار کننگے۔ اوپارے کہ ہائی رسک ایریہ غاتیٹی پولیو نا چٹفنگ کن خصوصی گام گیج کننگے، ویکسین آن محروم رہینگوک آ چناتا ویکسی نیشن ءِ پک کیر۔ ملک ءِ پولیو فری جوڑ کننگ کن سنبرینگوک ءِ، معمول نا رکھی ویکسین ہرچنانا بنداوی حق ءِ۔
