اسلام آباد۔ 13جون (اے پی پی) وزیراعظم محمد شہباز شریف اسرائیل نا ایران آ بے خار جلہو نا ترندی اٹ مذمتءِ کرساپارینے کہ دا غیرزموارانہ گام بے کچ تشویشناک ءِ و داڑآن ڈیہہ انا سوگوی پین خطرہ ٹی تمانے۔ جمعہ نادے آ ’’ایکس ‘‘ آ تینا کلہو اٹی وزیراعظم جلہو اٹی نہادی جون تا زیان آ ایرانی الس تون ہمدردی نا درشانی ءِ کرے۔ اوجہانی برادری و اقوام متحدہ غا زور شاغا کہ و پین بے چیٹی ءِ توننگ کن دمدستی گام گیج کیر انتئے کہ داڑآن علاقائی و جہانی امن خطرہ ٹی تمنگ کیک۔
