اسلام آباد۔ 13 جون (اے پی پی) صدر مملکت آصف علی زرداری ایران نا برخلاف اسرائیلی جارحیت نا ترندی اٹ مذمت ءِ کرسا پارے کہ اسرائیلی فوجی جلہو ایران نا وتواجہی و علاقائی سالمیت نا پاش آن پاش خلاف ورزی ءِ۔ جمعہ نادے آ ایوان صدر نا پریس ونگ آن جاری بیان نا رداٹ صدر مملکت پارے کہ جلہو اقوام متحدہ نا چارٹر و جہانی کانود نا بنداوی اصول آتا ہم سراسر خلاف ورزی ءِ۔ اوپارے کہ ای جلہو اٹی جون تا زیان آ ایران نا الس تون ہمدردی نا درشانی ءِ کیوہ۔ صدر مملکت پارے کہ جہانی برادری و اقوام متحدہ ءِ مرے کہ اوفک جارح نا احتساب ءِ کیر و حالیت آتے پین بگڑینگ انگ آن توننگ کن دمدستی کارروائی کیر۔
