اسلام آباد۔ 13 جون (اے پی پی) بنجائی وزیر قومی غذائی رکھ و پٹ وپول رانا تنویر حسین ایران آ اسرائیلی جلہو نا ترند انگا لوز آتیٹی مذمت ءِ کرسا پارینے کہ اسرائیل نا بدماشی دنیا ٹی بھلو شکست اسے نا سوب جوڑ مننگ کیک۔ جمعہ نادے آ قومی اسمبلی ٹی ایوان آن ایران آ اسرائیلی جارحیت نا برخلاف امنائی مذمتی قرارداد نا منظوری آن پد گپ وتران کرسا اوایران آ اسرائیلی جلہو اٹی مروک آ جونی نسخان تیا است ہسونی نا درشانی ءِ کرے و پارے کہ اسرائیل ہراتم آن جوڑ مسنے اونا طرز عمل ہندا مسنے۔ غزہ ٹی اسرائیل نا دوک فلسطینی تا دتراٹ رنگی ءُ۔ داوخت آ اسرائیل ایران آ جلہو کرینے، نن ایران تون تفوک اُن، و پورو یکجہتی نا درشانی ءِ کینہ۔ اسرائیل نا بدماشی ءِ جہانی برادری توتہو تو دا دنیا ٹی بھلو شکست اسے نا سوب جوڑ مننگ کیک۔
