وزیراعظم شہباز شریف متحدہ عرب امارات نا اسہ دے ئی دورہ غا ابوظہبی آ سرمس

ابوظہبی۔ 12جون (اے پی پی) وزیراعظم محمد شہباز شریف متحدہ عرب امارات نا صدر و ابوظہبی نا فرمانرواشیخ محمد بن زید النہیان نا سلہ غا متحدہ عرب امارات نا اسہ دے ئی سرکاری دورہ غا ابوظہبی آ سرمس۔ پنچ شنبے نادے آوزیراعظم آفس نا میڈیا ونگ آن جاری بیان نا رداٹ ابوظہبی نا البطین بالی پٹ آ متحدہ عرب امارات نا صدر نا ایلم و قومی سلامتی نا سلاہکار شیخ طحنون بن زید النہیان وزیراعظم ءِ جم وجوش اٹ بخیرکرے و وزیراعظم تون اوار گاڈی ٹی صدارتی ماڑی نا کنڈآ روانہ مس۔ بالی پٹ آ متحدہ عرب امارات سپریم نیشنل سیکورٹی کونسل نا سیکرٹری جنرل علی احمد الشمسی ، یواے ای ٹی پاکستان نا سفیر فیصل نیاز ترمذی و پاکستانی سفارتی عملہ ہم وزیراعظم نا بخیرکن ساڑی ئسر ۔ وزیراعظم ڈل اتون اوار متحدہ عرب امارات  نا صدر شیخ محمد بن زید النہیان تون اوڑدہی کیک۔ نائب وزیراعظم و وزیرخارجہ محمد اسحاق ڈار، چیف آف آرمی اسٹاف فیلڈ مارشل سید عاصم منیر، بنجائی وزیر داخلہ سید محسن رضانقوی، بنجائی وزیر حوالکاری و شینکاری عطاء اللہ تارڑ و خصوصی کمکار طارق فاطمی ئسک ہم پاکستانی ڈل اٹی اوار ءُ۔