کوئٹہ۔ 12 جون (اے پی پی) بنجائی وزیر ریلوائی محمد حنیف عباسی سینیٹر احمد خان خلجی تون اوار ریلوائی اسٹیشن کوئٹہ نا سرجمی اٹ دورہ ءِ کرے ۔ داوخت آ بنجائی وزیرریلوائی پشاور آ ہنوک آ جعفر ایکسپریس نا مسافر آتون ملا، و اوفتا ویل آتا اَرفے۔ ڈی ایس کوئٹہ ڈویژن ریلوائی عمران حیات خان بنجائی وزیر ریلوائی محمد حنیف عباسی ءِ سرجمی اٹ حوال تس۔ بنجائی وزیر ریلوائی کوئٹہ ریلوائی اسٹیشن اٹی پوسکن خلوک 29 پوسکن آ سی سی ٹی وی کیمرہ تا کنٹرول روم و ریلوائی آفیسر کلب اٹی جم سینٹر نا بناءِ کرے۔ داوخت آ بنجائی وزیر ریلوائی محمد حنیف عباسی پارے کہ پاکستان ریلوائی مسافر آتے ہرممکن آسراتی نا فراوانی ءِ پک کننگ ءِ۔ بنجائی وزیر ریلوائی محمد حنیف عباسی کوئٹہ ریلوائی اسٹیشن آ بزنس کلاس ویٹنگ روم ءِ لس مسافر آتیکن ہم کاریم اٹ اتنگ نا پرمان جاری کرے۔ بنجائی وزیر ریلوائی محمد حنیف عباسی کوئٹہ ریلوائی اسٹیشن آ عمدہ بست وبند کننگ آ ڈی ایس ریلوائی عمران حیات خان و اونا مچ آ ٹیم انا کارکڑد انا ستاءِ کرے۔ بنجائی وزیر ریلوائی محمد حنیف عباسی مچھ اٹی دہشت گردی واقعہ ٹی شہید کانسٹیبل فیصل نا لمہ ءِ پنجا لکھ روپئی نا چیک اس ہم پیش کرے۔

متعلقہ مضامینمصنف کی طرف سے مزید