اسلام آباد۔11جون (اے پی پی): وفاقی وزیر کانود ءُ انصاف ءِ سروکی ءَ ایف بی آر ءِ چار ءُ تپاسی کمیٹی ءِ یک ھاسیں دیوان ءِ برجم دارگ بوت کہ ایشی ءِ تہ ءَ ایف بی آر ءِ جاری کانودی کارروائی ءُ کیس آنی پیشرفت ءِ سر ءَ چار ءُ تپاسی کنگ بیت۔ وزارت ءِ کانود ءُ انصاف ءِ جارکش ءِ رد ءَ دیوان ءَ مزن وزیر پاکستان ءِ ہدایت ءِ رد ءَ ترجیحی کیس آنی بابت ءَ پیشرفت رپورٹ پیش کنگ بوتگ۔ وزیر کانود ءَ ایف بی آر ءُ سیادی داروکیں قانونی ٹیم ءَ را آیوکیں کارروائی ءِ ھوالگ ءَ ھاسیں ہدایت داتگ تانکہ آمدنی ءِ ھوالگ ءَ کیس آناں جوانیں رنگ ءَ منطقی آسر ءَ سر کنگ بہ بیت۔ دیوان ءَ گوشگ بوت کہ اٹارنی جنرل ءِ کارگس ایف بی آر ءِ لیگل ونگ ءَ را مدام قانونی کمک کنگ ءَ انت کہ ایشی ءَ چہ جوانیں آسراتی رسگ ءَ انت۔ گوستگیں سئے ماہ ءِ تہ ءَ ایف بی آر ءَ جتا جتائیں کیس آنی تہ ءَ نزیک ءَ 112ارب کلدار ءِ وصولی ممکن کتگ کہ اے یک مزنیں گامگیج اِنت۔ اے موہ ءِ سر ءَ آیوکیں وفاقی بجٹ ءَ ھوار کنگ ءِ ممکنہ قانونی تجویز آنی سر ءَ ھم سرجمیں ھیال ءُ لیکہ کنگ بیت۔ وزیر ءِ کانود ءَ اے امیت سہرا کت کہ اے گامگیج نہ ایوک ءَ کانود ءِ نظام ءَ را گہتر کنت بلکینگ ءَ مالیاتی برجائی ءَ ہم کمک رسیت۔
