پیرس۔11جون (اے پی پی): فرانس ءَ پاکستان ءِ سفیر ممتاز زھرہ بلوچ ءَ آیوکیں نسل آنی سمندر آنی رکھینگ ءِ واستہ جھان ءِ تک ءَ موثر ءُ سرجمیں گامگیج چست کنگ ءِ لوٹ کتگ ءُ گوشت کہ سمندری وسیلگ آنی رکھینگ ءُ پائیدار کارمرد کنگ ءِ واستہ میاں اوستمانی کمک المی اِنت۔ آئی ءَ اے گپ فرانس ءِ شہر نائس ءَ برجم داشتگیں اقوام متحدہ ءِ سیمی اوقیانوس کانفرنس ءِ تہا وتی یک گشتانکے ءِ تہا گشتگ۔ سفارتخانہ ءِ نیمگ ءَ چہ جاڑی بوتگیں پریس ریلیز ءِ رد ءَ سفیر ممتاز زہرہ بلوچ ءَ دریائی وسیلگ ءُ چاگردی ھرابکاری ءِ جیڈھ ءِ گیواری ءِ واستہ پاکستان ءِ کوشست آنی سر ءَ چمشانک دیان ءَ اے گپ ءِ سر ءَ زور پر دات کہ ایوک ءَ انفرادی راجی گامگیج کافی نہ بنت بلے اے جیڈھ ءِ تہ ءَ میاں اوستمانی کمک المی اِنت۔ پائیداریں وڑے ءَ کارمرز کنگ بیت۔ صفر ممتاز بلوچ ءَ مالی کمک، ٹیکنالوجی ءِ ٹرانسفر ءُ صلاحیت سازی ءِ وڑیں گامگیج آنی وسیلگ ءَ اقیانوس آنی رکھینگ ءِ واستہ جھان ءِ حل ءِ شوھازگ ءِ ضلورت ءِ سر ءَ زور پر دات۔ آئی ءَ موسمیاتی بدلی ءِ ھلاپ ءَ جنگ ءِ واستہ ”مشترکہ بلے فرق ءِ ذمہ واری ءُ وتی وتی صلاحیت“ ءِ اصول ءِ سرا ھم زور پر دات۔ آئی ءَ گوشت کہ پاکستان ءِ ’’بی بی این جے‘‘ ءِ معاہدہ ءِ سر ءَ دستخط کنگ ءِ ارادہ اِنت۔ سفر ءَ پاکستان ءِ ھمساھگیں ملک ءِ نیمگ ءَ یک نیمگی کارروائی آنی سبب ءَ عرب ءِ ماحولیاتی نظام ءِ سر ءَ منفی اثر ءِ سر ءَ سک باز جیڈھ ءِ درشانی کت کہ ایشی ءَ چہ دیریں آپ ءِ بھر ءُ بانگ ءِ معاہدہ ءُ بندوبست آنی سر ءَ اثر کپگ ءَ اِنت۔ آئی ءَ چہ میاں اوستمانی براتی ءَ لوٹ کتگ کہ آ آپ ءَ را سلاہ ءِ رنگ ءَ کارمرد کنگ ءِ کوشست آنی مذمت ءَ بہ کنت ءُ میاں اوستمانی کانود ءُ معاہدہ آنی رد ءَ عمل کنگ ءَ را دل یکیمی بہ کنت۔
