اسلام آباد۔11جون (اے پی پی): مزن وزیر محمد شہباز شریف ءَ مئی 2025ءِ ساھت ءَ زرّ ءِ دیم دیگ ءِ تہ ءَ گیشی ءِ سر ءَ دل یکیمی ءِ درشان کنان ءَ گوشت کہ زرّ ءِ دیم دیگ ءِ تہ ءَ گیشی پاکستانی حکومت ءِ اقتصادی پالیشی آنی سر ءَ درملکیں پاکستانی آنی گیش بوھوکیں بھروسہ ءِ ثبوت اِنت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ رواں مالی سال ءِ ساھت ءَ 34.9ارب امریکی ڈالر ءِ زرّ دیم دیگ بوتگ کہ گوستگیں مالی سال ءَ چہ 28.8درسد گیش اِنت۔ مئی 2025ءِ دوران ءَ 3.7ارب امریکی ڈالر ءِ زرّ ءِ دیم دیگ بوتگ۔ ڈالر رستگ کہ گوستگیں سال ءِ مئی ءِ مقابلہ ءَ 13.7 درسد گیش اِنت۔ مزن وزیر ءَ گوشت کہ زرّ دیم دیگ ءِ تہ ءَ گیشی حکومت پاکستان ءِ اقتصادی پالیشی آنی سر ءَ درملکی پاکستانی آنی تہ ءَ گیش بوھوکیں دل یکیمی ءِ ثبوت اِنت۔ حکومت ءِ اقتصادی گامگیج ءُ آیوکیں مالی سال ءِ ھاتر ءَ الس دوستیں بجٹ ملک ءِ وشیں باندات ءِ نشانی انت۔ مزن وزیر ئَ حکومت ئِ اقتصادی ٹیمب ئَ را بادشاہی دات۔
