اسلام آباد۔ 11جون (اے پی پی) بنجائی سیکرٹری خزانہ امداداللہ بوسال پارینے کہ حکومتی خڑچ آتیٹی کمتی کن پدریسہ گام گیج برجاءِ ہرانا گچین نتیجہ مون آ بننگ ءِ۔ چارشنبے نادے آ پوسٹ بجٹ پریس کانفرنس اٹی اسہ سوج اسے نا ورندی ٹی سیکرٹری خزانہ پارے کہ برجامالی سال اٹی خڑچ آتا رجحان ءِ ہُننگے تو حکومت حتی المقدور کوشست کرینے کہ خڑچ آتا مون ءِ توننگے ہراڑے گرج ئس ہموڑے خڑچ کننگا، ہنداسوب آن برجامالی سال اٹی خڑچ آتیٹی بیرہ 1.9 درسد نا زرس ودکی مس، مالی سال 2022اٹی خڑچ آتیٹی 15.9 درسد، مالی سال 2023اٹی 23.6درسد و 2024اٹی 12.2درسد ودکی مسوسس۔ سیکرٹری خزانہ پارے کہ تنخواہ تیٹی 10 درسد ودکی آن خزانہ غا 28 آن 30 ارب روپئی نا ودکی بھاریم تمک۔
