اسلام آباد۔ 11جون (اے پی پی) بنجائی وزیر خزانہ سینیٹر محمد اورنگزیب پارینے کہ جی ڈی پی نا کچ آن خراج آتا کچ ءِ جہانی آب انا رداٹ اتنگ ننا اولیت آتیٹی اوار ءِ۔ چارشنبے نادے آ پوسٹ بجٹ پریس کانفرنس آن تران کرسا اوپارے کہ خراج نا تعمیل و اصلاحات نا عمل مون آہِننگ ءِ ، داسال جی ڈی پی نا کچ آن خراج آتا کچ 10.3 درسد ئس ہرا بروک آ مالی سال اٹی 10.9 درسد مریک۔ اوپارے کہ 2 ٹریلین نا ودکی خراج گام گیج آتیٹی 312 ارب روپئی نا پوسکن خراج ءُ، 2 ٹریلین نا ودکی ہدف آتا زیات تر بشخ وتواجہ نمو وانفورسمنٹ نا گام گیج آتیان دوئی کننگک دا بابت نن کانود سازی نا کنڈآ کانہ و پارلیمنٹ نا ہڑتوم آ ایوان تے پت اٹ ہلینہ اگہ انفورسمنٹ نا گام گیج آک مفسہ تو ننے 400 آن 500 ارب روپئی اسکان نا خراج خلوئی تمک۔
