اسلام آباد۔ 11جون (اے پی پی) وزیراعظم محمد شہباز شریف تون بنجائی وزیر اوورسیز پاکستانیز چوہدری سالک حسین نا کماشی ٹی مسلم لیگ ق انا قومی اسمبلی نا باسک چوہدری حسین الٰہی ، محمد الیاس چوہدری و فرخ خان آ تالان ڈل اوڑدہی کرے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ قومی اسمبلی نا باسک آک مالی سال 2025-26نا بجٹ ءِ قومی اسمبلی …
وزیراعظم شہباز شریف تون بنجائی وزیر چوہدری سالک حسین نا کماشی ٹی مسلم لیگ ق انا ڈل انا وڑدہی ، زرگزرانی شونداری، السی راجی آسودہی نا گام گیج آتیٹی کمکاری نا باوری کرفیر
گیشتریں ھال
اسلام آباد۔ 11جون (اے پی پی) وزیراعظم محمد شہباز شریف تون بنجائی وزیر اوورسیز پاکستانیز چوہدری سالک حسین نا کماشی ٹی مسلم لیگ ق انا قومی اسمبلی نا باسک چوہدری حسین الٰہی ، محمد الیاس چوہدری و فرخ خان آ تالان ڈل اوڑدہی کرے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ قومی اسمبلی نا باسک آک مالی سال 2025-26نا بجٹ ءِ قومی اسمبلی ٹی پیش کننگ آ وزیراعظم و اونا ٹیم ءِ خراج تحسین پیش کریر۔ ڈل ملک انا زرگزرانی شونداری و السی راجی آسودہی کن وزیراعظم نا غٹ گام گیج آتیٹی پبی کمک فراوان کننگ نا باوری کرفے۔ ڈل گپ وتران کرسا پارے کہ ملکی عسکری و سیاسی سرکڑدہ غاک السی راجی آسودہی و ملکی شونداری کن دے ونن خواری کننگ ءُ، ڈل بھارت تون ساڑی آ بے چیٹی ٹی پاکستانی الس نا بے مٹ سرکڑدہ ئی ءِ کننگ و جہانی کہول آ ملکی وقار ءِ پوسکن بڑزی تسکان سرکننگ آ وزیراعظم ءِ خراج تحسین پیش کرے۔ اوڑدہی ٹی تعلقدار حلقہ غاتا مور آ گپ وتران کننگا۔
