اسلام آباد۔ 11جون (اے پی پی) بنجائی وزیر خزانہ سینیٹر محمد اورنگزیب پارینے کہ 7 ہزار ٹیرف لائنز آتیان 4 ہزار آ ودکی کسٹم ڈیوٹی ءِ چٹفنگانے۔ چارشنبے نادے آ پوسٹ بجٹ پریس کانفرنس آن تران اٹی او پارے کہ بروک آمالی سال انا بنجائی بجٹ اٹی ٹیرف اصلاحات آ خاص چکار کننگانے ہرانا بھلو اوہمیت اسے، دانا اولیکو مسخت پروٹیکٹڈ رجیم ءِ بدل کننگ ءِ تانکہ کیش و انسانی وسیلہ غاتیٹی گچینی برے داڑآن برآمدی بشخ ءِ ہم فائدہ رسینگک، حکومت سمجھک کہ پنجرجاتی بنداو آ ملک ءِ مون آ دننگ کن زرگزران نا بنداوی ڈی این اے ءِ بدل کننگ المی ءِ۔ وزیرخزانہ پارے کہ 7 ہزار ٹیرف لائنز آتیان 4 ہزار آ ودکی کسٹم ڈیوٹی ءِ صفر کننگانے، 2700 ٹی کسٹم ڈیوٹی نا کچ ءِ کم کننگا، ہنداوڑ 2 ہزار ہندن ءُ ٹیرف لائن ءُ ہرافتا تعلق خام مال آن ءِ و داڑآن برآمدی صنعت ءِ پک وڑاٹ فائدہ رسینگک۔ اوپارے کہ ٹیرف اصلاحات نا دا چرجوئی برجاسلک و ننا کوشست ءِ کہ جم وڑاٹ ٹیرف رجیم اٹی 4 درسد کمتی اتنگے۔
