بنجائی وزیرحوالکاری عطاء اللہ تارڑ و وزیراعظم نا میڈیاکوآرڈی نیٹر بدر شہباز وڑائچ ، سینئر اینکر فریحہ ادریس نا اُراغا بسر، لمہ نا کزیت آ ہڑزخواہی کریر

اسلام آباد۔ 11جون (اے پی پی) بنجائی وزیر حوالکاری و شینکاری عطاء اللہ تارڑ و وزیراعظم نا میڈیا کوآرڈینیٹر بدرشہباز وڑائچ چارشنبے نادے آ سینئر اینکر فریحہ ادریس نا لمہ نا کزیت آ ہڑزخواہی کن اونا اُراغا ہنار و خاہوت تون ہڑزخواہی و ہمدردی نا درشانی ءِ کریر۔ ہڑتوم آ راہشونک ایماندار نا روح انا ثواب کن دعاپاتیاکریر۔ داوخت آ گپ وتران کرسا بنجائی وزیر حوالکاری پارے کہ لمہ نا کزیت فریحہ ادریس کن بے بدل ءُ نسخان اسے۔ ایماندار نا کزیت آن ودی مروک آ خورکی تادیر پُرمننگ کپک، پدسلوک آخاہوت نا ڈکھیائی ٹی بریبرنا شریک اُن۔ بنجائی وزیر حوالکاری عطاء اللہ تارڑ و وزیراعظم نا میڈیا کوآرڈینیٹر بدر شہباز ورائچ ایماندار نا درجہ غاتا بڑزی و خاہوت کن صبروجمیل نا دعاکرے۔ داوخت آ پرنسپل انفارمیشن آفیسر مبشر حسن ہم ساڑی ئسک۔