اسلام آباد۔11جون (اے پی پی):مزن وزیر محمد شہباز شریف امارات ءِ سرکاری تر ءُ تاب ءَ کنت۔چار شمبے ءِ روچ ءَ دری کارانی کارگس ءِ جارکش ءِ رد ءَ اے تر ءُ تاب پاکستان ءُ امارات ءِ نیام ءَ گہتریں براتی سیادی ءِ درشان اِنت کہ ایشی ءِ بنیات یکے دومی ءِ تہ ءَ نزیکیں کمک ءِ سر ءَ اِنت۔ دمگاں چہ بوتگ۔ مزن وزیر ءِ ھمراھی ءَ مزن تک ءِ ڈل ھم ھوار بیت، ایشی ءِ تہ ءَ نائب مزن وزیر ءُ درئی کارانی وزیر سینیٹر محمد اسحاق ڈار، وفاقی وزیر ءُ ایندگر مزنیں افسر ھم ھوار بنت۔ مزن وزیر شہباز شریف امارات ءِ سروکی ءَ گوں مزن تک ءِ گند ءُ نند کنت ایشی ءِ تہ ءَ امارات ءِ صدر ءُ ابوظہبی ءِ حاکم شیخ محمد بن زید النہیان ءِ گوما دو نیمگی گند ءُ نند ھم ھوار اِنت۔ مزن تک ءِ گپ ءُ تران ءِ ساھت ءَ وت مہ وتی دلچسپی ءُ جیڈھ ءِ دو نیمگی، دمگی ءُ جھان ءِ جیڈھ آنی سر ءَ بازیں گپ ءُ تران کنگ بیت۔ بیان ءِ رد ءَ مزن وزیر ءِ تر ءُ تاب ءَ چہ پاکستان ءُ امارات ءِ نیام ءَ دیریں براتی سیادی ءَ را گیش مھکم کنگ بیت، اقتصادی سیادی ءَ را گیش مھکم کنگ بیت ءُ کثیر جہتی کمک ءَ را دیمروئی دیگ بیت۔ بیان ءِ تہ ءَ گیش گوشت کہ اے تر ءُ تاب پاکستان ءُ امارات ءِ یکجائی جزم ءِ درشان اِنت کہ آ وت مہ وتی نفع مندیں اسٹریٹجک شریکداری ءَ را مھکم کنگ، وت مہ وتی مفاد ءِ استیں شوبگ آنی تہ ءَ کمک ءَ را گیش کنگ ءُ دلپھکی ءِ دو نیمگی سیادی ءَ را گیش مھکم کنگ ءِ ھاترا نوکیں راہ آنی شوھازگ اِنت۔
