اسلام آباد۔11جون (اے پی پی): مزن وزیر محمد شہباز شریف ءَ اسٹاک مارکیٹ ءِ 124ہزار پوائنٹ ءِ سر ءَ راجدپتر ءِ تہ ءَ وتی مستریں تک ءَ سر بوھگ ءِ سر ءَ دل یکیمی ءِ درشانی کت ءُ گوشت کہ اسٹاک مارکیٹ ءِ ریلی سرمایہ کار ءُ کاروباری مردم آنی مردم دوستیں بجٹ ءِ سر ءَ دل یکیمی ءِ درشان اِنت، ھچ وڑیں گیشیں بجٹ ءِ سر ءَ ٹیکس ءِ بوجھ نہ بوتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ پگار آنی تہ ءَ گیشی ءُ ٹیکس آنی تہ ءَ کمی ءَ چہ کار ءَ گوں کار کنوکیں مردم آناں ریلیف رسیت۔ آئی ءَ گوشت کہ الحمد اللہ ملک ءِ اقتصادی دیمروئی ءِ سفر بندات بوتگ، پاکستانی راج ءَ قربانی داتگ، نوں مارا درستاں یکجائی ءَ عام مردم ءِ زندمان ءَ را گہتر کنگ ءِ واستہ کار کنگی انت۔ مزن وزیر ءَ گوشت کہ مہنگائی ءِ شرح ءِ تہ ءَ کمی، زرّ ءِ ذخیرہ ءِ تہ ءَ گیشی، زرّ دیم دیگ ءُ برآمد کنگ اقتصادی ٹیم ءِ روچ پہ روچ محنت ءِ سبب ءَ ممکن بوتگ۔ آئی ءَ گوشت کہ پاکستان ءِ ڈیفالٹ ءِ کش ءَ چہ واتر بوھگ، اقتصادی استحکام ءُ دیمروئی ءِ سفر ءِ بندات یک کرامات انت۔ اقتصادی ٹیم ءِ محنت ءُ پاکستان ءِ مفاد آناں اولی ترجی دیگ ءِ سبب ءَ اے مثالی اقتصادی ردوم راجدپتر ءِ تہ ءَ زرین آباں گوں نبشتہ کنگ بیت۔
