اسلام آباد۔11جون (اے پی پی): وفاقی وزیر ھزانگ سینٹر محمد اورنگزیب ءَ گوشت کہ 7ہزار ٹیرف لائن آنی تہ ءَ 4ہزار ءِ سر ءَ گیشیں کسٹم ڈیوٹی ھلاس کنگ بوتگ۔ چار شمبے ءِ روچ ءَ بجٹ ءَ پد پریس کانفرنس ءَ گوں تران کنان ءَ آئی ءَ گوشت کہ آیوکیں مالی سال ءِ واستہ وفاقی بجٹ ءَ ٹیرف اصلاحات ءِ سر ءَ ھاسیں دلگوشی دیگ بوتگ ایشی ءِ سک باز ارزشت اِنت۔ آئی ءِ اولی مول ءُ مراد ایش انت کہ رژیم ءِ رکینگ ءِ بدل کنگ بہ بیت دانکہ کشت ءُ کشاری ءُ انسانی وسائل ءِ تہا گہتری بہ بیت۔ ایشی ءَ چہ برآمداتی شوبگ ءَ را ھم سیت رسیت۔ حکومت ءِ ھیال ءَ ملک ءَ را ڈھانچہ ءِ بنیاد ءَ دیم ءَ برگ ءِ واستہ معیشت ءِ ڈی این اے ءَ را بدل کنگ المی اِنت۔ وزیر ھزانگ ءَ گوشت کہ 7ہزار ٹیرف لائن آنی تہ ءَ چہ 4ہزار ءِ سر ءَ گیشیں کسٹم ڈیوٹی صفر ءَ چہ کم کنگ بوتگ، ءُ 2700 ءِ سر ءَ کسٹم ڈیوٹی ءِ شرح کم کنگ بوتگ، اے رنگ ءَ 2ہزار انچیں ٹیرف لائن است انت کہ خام مال ءِ گوں سیادی داروکیں راہ ءَ صنعت ءَ را 2018 ءَ فائدگ رسیت۔ آئی ءَ گوشت کہ ٹیرف اصلاحات ءِ اے سلسلہ برجاہ بیت ءُ مئے کوشست انت کہ ٹیرف ءِ سرجمیں حجم ءَ را 4درسد کم کنگ بہ بیت۔
