ما لوٹیں کہ تنخواہ داریں طبقہ ءَ گیش ءَ چہ گیش ریلیف دیگ بہ بیت، تنخواہانی تہا گیشی ءَ چہ ھزانگ ءِ سرا 28 ءَ چہ 30 ارب کلدار ءِ گیشیں بار ایر بیت، وزیر ھزانگ سینیٹر محمد اورنگزیب

اسلام آباد۔11جون  (اے پی پی): وفاقی وزیر ھزانگ سینیٹر محمد اورنگزیب ءَ گوشت کہ ما تنخواہ داریں تبک ءَ را گیش ءَ چہ گیش ریلیف دیگ لوٹ ایں، تنخواہ آنی تہ ءَ گیشی ءَ چہ ھزانگ ءِ سر ءَ 28 ءَ چہ 30ارب کلدار ءِ گیشیں بار ایر بیت۔ چار شمبے ءِ روچ ءَ بجٹ ءَ پد پریس کانفرنس ءِ ساھت ءَ وزیر ءِ ھزانگ ءَ گوشت کہ مزن وزیر ءُ آئی ءِ کوشست ایش ات کہ تنخواہ داریں تبک ءَ را گیش ءَ چہ گیش ریلیف دیگ بہ بیت، البت اے کار ءَ ما ایوک ءَ وتی مالی گنجائش ءِ رد ءَ کت کن ایں، ھمے رنگ ءَ کارپوریٹ سیکٹر ءِ واستہ سپر ٹیکس ءِ شرح ءَ را گیش ءَ چہ گیش کم کنگ بوتگ۔ دیمروئی ءِ شوبگ ءَ ٹیکس کم کنگ نہ بوتگ انت بلے لین دین ءِ ھرچ ءُ درچ ءُ ھرچ ءُ درچ ءَ را کم کنگ ءِ واستہ کوشست کنگ بوتگ ۔ ما 5 مارلا ءِ لوگ جوڑ کنوکیں مردماں رہن ءِ مالی کمک ءِ آسراتی دیگ ءَ ایں ۔ اے درگت ءَ ما اسٹیٹ بینک ءَ گوں گپ ءُ تران کنگ ءَ آں ءُ اے عمل ءَ میزان میزان ءَ دیم ءَ برگ بیت ۔ آئی ءَ گوشت کہ پگار ءُ پنشن ءِ بنچ مارک ءِ ھست بہ بیت۔ افراط زر ءِ تناسب ءَ سرجمیں پگار گیش بیت۔ سرکار ءَ ٹیکس باز گیش نہ کتگ انت۔ وزیر ھزانگ ءَ گوشت کہ مالی سال 2022 ءَ ھرچ ءُ درچ ءِ تہ ءَ 15.9درسد ءِ گیشی بوتگ، مالی سال 2023 ءَ 23.6درسد ءُ 2024 ءَ 12.2درسد گیشی بوتگ۔ ھزانگ۔