سرگودھا۔ 11 جون (اے پی پی): پاکستان مسلم لیگ ءِ ڈویژنل صدر چوہدری شاہ نواز رنجھا ءَ گوشت کہ آیوکیں مالی سال ءِ بجٹ ءَ اقتصادی گہتری ءُ توامیں تبک ءَ را ریلیف پجاری ءِ واستہ بازیں گامگیج چست کنگ بوتگ۔ بجٹ ءِ ھوالگ ءَ پاکستان ءِ بزنس کمیونٹی ءَ حکومت ءَ چہ بازیں اُمیت بوتگ اَنت ایش سرجم بوتگ اَنت۔ وتی بیان ءِ تہ ءَ آئی ءَ گوشت کہ جائیداد ءِ بھا زورگ ءِ سر ءَ سٹیمپ ڈیوٹی ءِ تہ ءَ کمی ءُ پگار داریں ملازم آنی سر ءَ ٹیکس ءِ تہ ءَ کمی معیشت ءِ واستہ جوانیں گامگیج ءُ جوانیں شگون انت۔ آئی ءَ گوشت کہ پاکستان ءِ دیمپانی بجٹ ءِ گیش کنگ وھد ءِ مستریں لوٹ انت، بھارت ءِ وڑیں ھمساھگیں ملک ءِ ھست بوھگ ءِ تہ ءَ دیمپانی بجٹ ءِ گیش کنگ المی انت۔
