آیوکیں مالی سال ءِ واستہ 17573ارب کلدار ءِ وفاقی بجٹ پیش کنگ بوتگ، ایشی ءِ تہ ءَ اقتصادی دیمروئی ءِ شرح 4.2درسد، افراط زر ءِ شرح 7.5درسد ءِ گمان، ملازم آنی پگار آنی تہ ءَ 10درسد گیشی، پنشن ءِ تہ ءَ 7درسد گیشی، ءُ ٹیکس ءِ آمدنی 14ہزار 1300 کلدار  گیشینگ بوتگ

اسلام آباد۔10جون  (اے پی پی):راجی اسمبلی ءَ آیوکیں مالی سال 2025-26 ءِ واستہ 17ہزار 573ارب کلدار ءِ وفاقی بجٹ پیش کنگ بوتگ۔ اقتصادی دیمروئی ءِ شرح 4.2درسد، مہنگائی ءِ شرح 7.5درسد، ءُ بجٹ ءِ خسارہ 3.9درسد ءِ گمان اِنت۔ سرکاری ملازم آنی پگار ءَ 10درسد گیشی کنگ ءِ شور دیگ بوتگ وھدیکہ پنشن 7درسد گیش کنگ بہ بیت۔ ایف بی آر ٹیکس ءِ آمدنی ءِ کساس 14ہزار 131ارب کلدار کنگ ءِ تجویز کنگ بوتگ وھدیکہ غیر ٹیکس آمدنی ءِ ٹارگٹ 5ہزار 147ارب کلدار کنگ ءِ تجویز کنگ بوتگ۔ تنخواہ آنی تہ ءَ نابرابر ھلاس کنگ بیت ءُ اہل کارمند آناں 30درسد نابرابر ءِ کمی ءِ الاؤنس دیگ بیت۔ اے دیگ ءِ پیشکش کنگ بیت، وھدے کہ ملک ءَ ایمنی ءِ ھترہ آنی وھد ءَ سیم سر آنی رکھینگ ءِ واستہ سلاہ بندیں اُرد آنی ستا کرزیں ھزمت آنی اعتراف ءَ اے پیشکش کنگ بیت کہ افسر ءُ اُرد  آناں ھاسیں کمکی الاؤنس دیگ بہ بیت۔ سئے شمبے ءِ روچ ءَ وفاقی وزیر خزانہ سینیٹر محمد اورنگزیب ءَ آیوکیں مالی سال ءِ بجٹ پیش کنگ ءِ وھد ءَ گوشت کہ اے منی واستہ شرپ ءِ گپ اِنت کہ اے اتحادی حکومت ءِ دومی بجٹ اِنت ءُ من مزن وزیر شہباز شریف ءِ سروکی ءَ حکومت ءِ ھمبراہ داریں سیاسی گل ءُ رھشون  آں ھوار  ھاسیں رنگ ءَ  محمد نوازشریف، بلاول بھٹو زرداری، خالد مقبول صدیقی، چوہدری شجاعت حسین، عبدالعلیم خان اور خالد حسین  ءِ رہشونی ءِ ھاتر ءَ منت وار آں ۔ آئی ءَ گوشت کہ اے بجٹ سک باز ھاسیں ءُ راجدپتری موہ ءِ سر ءَ پیش کنگ بوھگ ءَ انت ھما وھد ءَ گوستگیں روچ آنی تہ ءَ راج ءَ غیر معمولی یکوئی، جزم ءُ دلیری ءِ درشان کتگ۔ مئے سیاسی رھشونی، پاکستان ءِ سلاہ بندیں اُرد ءُ ھندی زوراکی ءِ دیمپانی ءَ ھما ھمت، زانت ءُ یکوئی پیش داشتگ راجدپتر ءِ زِریں تاکانی تہ ءَ مدام یات کنگ بیت۔ اے سوبمندی نہ ایوک ءَ یک دراجیں فوجی سوبمندی یے بوتگ بلکیں سرجمیں راج ءِ اجتماعی شعور، راجی شرپ ءُ شان ءِ درشان بوتگ کہ ایشی ءِ ھاتر ءَ ما پاکستان ءِ فوجی ءُ سیاسی سروکی ءَ را مبارک بات دئیں۔ آئی ءَ گوشت کہ مئے فورسز ءَ وتی پیشہ وارانہ ہنر، بہادری ءُ قربانی ءِ جذبہ ءَ گوں دژمن ءَ را موثر ءُ سرجمیں پسو دات ایشی ءَ چہ نا ایوک ءَ مئے سیم سر آنی دفاع ناقابل برداشت بوت بلکینگ ءَ میاں اوستمانی براتی ءَ پاکستان ءِ شرپ ءُ شرپ ءَ را برز کت۔ اے مزنیں سوبمندی ءَ کلوہ دات کہ پاکستانی راج ہر آزمائش ءَ یکجاہ اِنت ءُ ماتیں گلزمین ءِ رکھینگ ءِ واستہ سیسہ ءِ دیوال جوڑ بیت۔ آئی ءَ گوشت کہ اے راجی جزم ءُ یکوئی ءَ را کارمرد کنگ ءَ چہ مئے دلگوشی نوں اقتصادی برجائی، دیمروئی ءُ وشھالی ءِ ھاترا انت۔ ہمے جذبہ ءِ گوما کہ ما راجی سلامتی مھکمیں بُن ھشتانی سر ءَ جوڑ کتگ، مارا ھمے مخلصی ءُ دلیری ءَ گوں وتی معیشت ءَ را مھکم کنگ ءُ الس ءِ وشھالی ءَ را دل یکیمی کنگی اِنت۔ وزیر خزانہ ءَ گوشت کہ گوستگیں یک ءُ نیم سال آنی تہ ءَ راجی یکوئی ءُ جزم ءِ جذبہ ءَ گوں ما اقتصادی ریکوری، اصلاحات ءُ دیمروئی ءِ سفر ءَ را سوبمندیں رنگ ءَ سرجم کتگ ءُ اقتصادی اصلاحات، مالیاتی نظم و ضبط ءُ دیمروئی منصوبگ بندی ءَ را یکجا کنگ ءَ ما نہ ایوک ءَ معیشت ءَ را مھکم کتگ بلکینگ ءَ آیوکیں وھد ءِ بنیات آناں ھم مھکم کتگ۔ وزیر ءِ ھزانگ ءَ گوشت کہ مئے اولی ترجی یک انچیں معیشت ءِ جوڑ کنگ اِنت کہ ایشی ءَ چہ چاگرد ءِ ھمک پڑ ءَ را دیمروئی ءِ میوہ آناں دل یکیمی کنگ ءُ چاگرد ءُ وسیلگ آنی رکھینگ ءَ برجمیں دیمروئی ءِ راہ پچ بہ بیت۔ آئی ءَ گوشت کہ اے وژن مارا یک انچیں پاکستان ءِ نیمگ ءَ رھادگ کنت کہ اودا دیمروئی ھمک یک مردمے ءِ دپ ءَ سر بیت ءُ سرجمی ءَ راج وشھال بیت، اے مئے عزم اِنت، مئے گامگیج ءُ مئے نعرہ اِنت۔ وزیر خزانہ ءَ گوستگیں سال ءَ معیشت ءِ گہتری ءِ واستہ چست کتگیں ھاسیں گامگیج آنی ذکر کنان ءَ گوشت کہ اے گامگیج آنی سبب ءَ مالیاتی نظم ءُ ضبط ءِ تہ ءَ مزنیں گہتری اتکگ، جی ڈی پی ءِ 2.4درسد ءِ برابر بنجاہی سرپلس ءِ ھاترا رسگ، افراط زر ءِ تہ ءَ 4.7درسد ءِ سر ءَ مزنیں کمی ءُ سرپلس ءِ تہ ءَ 5 ارب ڈالر ءِ سرپلس ءِ توقع کنگ بوتگ۔ زر ءِ برجائی، 10ماہ ءِ تہا حوالہ جات ءِ تہا 31درسد ءِ گیشی ءُ اسٹیٹ بینک ءِ ذخائر ءِ تہا 2ارب ڈالر ءِ گیشی ءِ تہا ھوار انت۔ رواں مالی سال ءِ گڈ ءَ تاں زرّ ءِ دیم دیگ ءِ کساس 38ارب ڈالر ءَ سر بوھگ ءِ گمان اِنت وھدے کہ زرّ ءِ ذخیرہ 14ارب ڈالر ءَ سر بوھگ ءِ گمان اِنت۔ وزیر ءِ ھزانگ ءَ گوشت کہ اقتصادی گہتری ءِ واستہ حکومت ءَ را بازیں سختیں پیسلہ کنگی بوتگ، پاکستان ءِ بہادریں الس ءَ ھم بازیں قربانی داتگ، ایشی ءَ چہ جوانیں آسراتی رستگ۔ آئی ءَ گوشت کہ مئے میکرو اکنامک برجائی پروگرام ءِ کامیابی ءَ را میاں اوستمانی تک ءَ منگ بوتگ ءُ گلوبل ریٹنگ ایجنسی ءُ مالیاتی ادارگ آناں معیشت ءِ گہتری ءِ گواہی داتگ۔ معیشت ءِ گہتری ءِ سرا کاروباری رہشون آنی دل یکم 83درسد ءَ سر بوتگ۔ فچ ءَ پاکستان ءِ درجہ بندی ءَ را سی سی سی پلس ءَ چہ بی منفی ءَ گیش کتگ ءُ ایشی ءَ چہ معاشی گہتری ءِ گمان بوتگ۔ ایشیائی دیمروئی بینک، ورلڈ بینک ءُ آئی ایف سی ءَ نہ ایوک ءَ پاکستان ءِ معیشت ءِ سر ءَ دل یکیمی ءِ درشانی کتگ بلکیں پاکستان ءِ واستہ مزنیں مالی کمک ءِ جار ھم جتگ۔ آئی ءَ گوشت کہ مزن وزیر ءِ سروکی ءَ حکومت ءَ کسانیں وھد ءِ تہ ءَ جتاجتائیں شوبگ آنی تہ ءَ مزنیں سوبمندی یے رستگ ایشی ءِ تہ ءَ ایف بی آر اصلاحات ھم ھوار انت۔ مئے مستریں معاشی جیڑہ آمدنی ءِ نظام ءِ کوتاہی اتنت۔ ایف بی آر ءَ را بدل کنگ ءَ ابید معیشت ءِ برجائی ءُ راجی مول ءُ مراد ءِ سرجم کنگ ممکن نہ بوتگ۔ پمیشکا مزن وزیر ءِ سروکی ءَ ایف بی آر ٹرانسفارمیشن پلان ءِ بندات کنگ بوتگ، ایشی ءِ تہ ءَ مزن وزیر ءِ نگرانی ءَ سرجمیں شور ءُ سلاھ ءَ پد یک منصوبگ ءِ تیاری کنگ بوتگ، ایشی ءَ را ستمبر 2024 ءَ منظور کنگ بوتگ۔اے منصوبگ ءِ بنیات سئے ستون آنی سر ءَ ایر کنگ بوتگ، مردم، عمل ءُ ٹیکنالوجی۔ وزیر ءِ ھزانگ ءَ گوشت کہ اے منصوبگ ءِ فوکس ڈیجیٹل ٹرانسفارمیشن اِنت۔ اے پاکستان ءَ اولی رند ءَ بندات کنگ بوتگ۔ اے منصوبگ ءِ رد ءَ ڈیجیٹل پروڈکشن ٹریکنگ ءِ بندات کنگ بوتگ کہ نوں ایشی ءَ را سیمنٹ، مشروبات، کھاد ءُ ٹیکسٹائل ءَ را گیش کنگ بوھگ ءَ اِنت۔ پی آر اے ایل بورڈ ءِ نوکیں رنگ ءَ سرجمیں ملک ءَ ای انوائسنگ ءِ بندات کنگ ءُ نوکیں ٹیکنالوجی ءِ آرگ ءِ مینڈیٹ ءِ گوما جوڑ کنگ بوتگ۔ وزیر خزانہ ءَ گوشت کہ ما ٹیکنالوجی ءِ ھواری ءَ انسانی وسائل ءِ دیمروئی ءِ واستہ ھم مزنیں سرمایہ کاری کنگ ءَ آں ۔ آڈیٹر آنی کارکردگی ءَ را گیش کنگ ءِ ھاترا نوکیں بھرتی کنگ بوتگ۔ افسر آنی واستہ انعام ایوک ءَ سینئرٹی ءِ بنیاد ءَ نہ انت بلکیں آہانی کارکردگی، پیشہ وارانہ رویہ ءُ ایمانداری ءِ بنیاد ءَ انت۔ وزیر ءِ ھزانگ ءَ گوشت کہ اے منصوبگ ءِ بنداتی آسر دلبڈی بوتگ انت۔ شکر ءِ شوبگ ءَ چہ آمدنی ءَ 47درسد گیشی بوتگ، 9.8ارب کلدار ءِ جعلی ریفنڈ کلیمز بند کنگ بوتگ۔ اے آئی ءِ سرا مبنی آڈٹ سسٹم ءِ چیر دستی ءَ 13.3ارب کلدار ءَ چہ گیش ءِ 200 کیس ءِ پجار کنگ بوتگ۔ فائلنگ ءُ ٹیکس دیوک آنی تہ ءَ 100درسد گیشی بوتگ ءُ آمدنی 45ارب ءَ چہ 105ارب ءَ سر بوتگ۔ آئی ءَ گوشت کہ یکم جولائی ءَ چہ 800 کالم ءِ ریٹرن ءَ را سادہ فارمیٹ ءَ بدل کنگ بیت۔ اے آسان ءُ کارمرز کنوکیں واپسی ءِ ھاتر ءَ ھاسیں رنگ ءَ تنخواہ داریں مردم ءُ کسانیں کاروباری ادارہانی ھاتر ءَ دیم ءَ آرگ بوھگ ءَ اِنت۔ وزیر ءِ ھزانگ ءَ گوشت کہ راجدپتر ءِ تہ ءَ اولی رند ءَ آئی ایم ایف ءَ کانود آنی سر ءَ عمل درآمد ءِ وسیلگ ءَ 389ارب کلدار ءِ آمدنی ءَ را باقاعدہ رنگ ءَ من اِتگ۔ اے غیر معمولی شناخت مئے اصلاحات ءِ گامگیج آنی مھکم، وسعت ءُ اعتبار ءِ یک ھاسیں گواہی یے ءُ پاکستان ءِ اصلاحات آنی سر ءَ آئی ایم ایف ءِ دل یکیمی ءِ عکس اِنت۔ وزیر خزانہ ءَ اے گپ ءِ پدرائی کت کہ ہچ وڑیں منی بجٹ آیگ ءَ نہ انت ءُ ہچ وڑیں گیشیں ٹیکس ایر کنگ نہ بوتگ۔ ایف بی آر ءَ حکومت ءِ سوبمندیں گامگیج ءِ سبب ءَ سوبمندیں مقدمہ ءِ وسیلگ ءَ 78ارب کلدار ءَ چہ گیش آمدنی جم کتگ۔ وزیر خزانہ ءَ گوشت کہ بجلی ءِ شوبگ اقتصادی دیمروئی ءِ واستہ المی اِنت، ما اقتصادی دیمروئی ءِ برجائی ءُ ملکی صنعت ءِ واستہ بجلی ءِ ارزشت ءِ رد ءَ صنعتی شوبگ ءِ واستہ بجلی ءِ نہاد 31درسد ءَ چہ گیش کم کتگ۔ آئی پی پیز ءِ گوما معاہدہ آنی تہ ءَ ترمیم ءَ چہ 3ہزار ارب کلدار ءَ چہ گیش بچت بیت۔ ما 3ہزار میگاواٹ ءَ چہ گیش فرنس آئل پاور پلانٹ بند کنگ ءَ سوبمند بوتگیں کہ آ چاگرد ءِ واستہ تاوان بار انت۔ گوجرانوالہ، فیصل آباد ءُ اسلام آباد ءِ سئے ڈسٹری بیوشن کمپنیانی نجکاری ءِ نیم کار سرجم بوتگ۔ این ٹی ڈی سی ءِ نوکیں رنگ ءُ دروشم ءِ جوڑ کنگ ءُ سئے نوکیں کمپنی آنی تہ ءَ بھر کنگ بوتگ، بجلی ءِ بھر ءُ بانگ ءِ کمپنی آنی انتظام پیشہ وارانہ بورڈ آناں سپرد کنگ بوتگ ءُ آھاں چہ سیاسی مداخلت ھلاس کنگ بوتگ، ایشی ءِ سبب ءَ اے کمپنی آناں ایوک ءَ 9 ماہ ءِ تہ ءَ 140ارب کلدار ءِ تاوان کم کتگ۔ کمپنیانی اے تاوان آیوکیں پنچ سالانی تہا سرجم ءَ ھلاس کنگ بنت۔ بجٹ ءِ شوبگ ءَ یک مقابلہ ءُ آزاتیں مارکیٹ ءِ جوڑ کنگ ءِ ھاتر ءَ کانود ءُ ضوابط ءَ را گڈی رنگ ءَ دیگ بوتگ۔ ایشی ءِ نفاذ آیوکیں سئے ماہ ءَ بندات بیت۔ پاکستان ءِ راجدپتر ءِ تہ ءَ اولی رند ءَ توانائی ءِ کارکردگی ءِ رسگ ءِ بنیاد ءَ بلڈنگ کوڈ منظور کنگ بوتگ اَنت، ارزانیں بجلی ءِ رسگ ءِ ھاترا یک سرجمیں منصوبگ جوڑ کنگ بوتگ، ایشی ءَ چہ آیوکیں روچاں ارزانیں بجلی ءِ رسگ ممکن بیت، اے منصوبگ ءِ چیر دستی ءَ 4 ہزار ارب زر ءَ چہ گیش بجلی ءِ بچت کنگ بوتگ ءُ M9 ہزار روپے ءَ چہ گیش پاور پلان ءِ بچت بوتگ۔ نیشنل گرڈ ءِ تہا ہوار کنگ ءِ ھاترا یلہ داتگ انت۔ وزیر ءِ ھزانگ ءَ گوشت کہ گوستگیں لستیں سال آنی ساھت ءَ پاکستان ءِ تیل ءُ گیس ءِ شوبگ ءَ اصلاحات کنگ بوتگ ایشی ءَ چہ سرمایہ کاری ءِ تہ ءَ گیشی بوتگ۔ آئی ءَ گوشت کہ ریکوڈک ءَ جاہ منندیں تانبہ ءُ زرّ ءِ کان مئے آیوکیں وھد ءِ یک ھاسیں اثاثہ اَنت، حکومت اے اثاثہ ءَ را کارآمد جوڑ کنگ ءِ سر ءَ دلگوشی دیگ ءَ اِنت، اے منصوبگ ءِ فزیبلٹی اسٹڈی جنوری 2025 ءَ سرجم بوتگ، متوقع کان کنی ءِ وھد 37سال اِنت، ایشی ءِ تہ ءَ ملک ءَ را 75ارب ڈالر ءَ چہ گیش نقد روانی رس ایت۔ 41ہزار 500 روزگار ءِ موہ دیگ بیت، اے منصوبہ ءَ چہ 7ارب ڈالر ٹیکس ءُ 7.8ارب ڈالر رائلٹی ءِ پیداوار ءِ گمان انت۔ برآمدات ءِ آسراتی ءِ واستہ ریکوڈک ءَ چہ بندرگاہ قاسم ءُ گوادر ءَ تاں سڑک ءُ ریل ٹرانسپورٹ ءِ بنیاتی ڈھانچہ ءِ جوڑ کنگ ءِ کار جاری انت اے منصوبگ پاکستان ءِ معیشت ءِ تہا گیم چینجر ثابت بیت۔ ٹیرف اصلاحات ءِ بابت ءَ سرپد کنان ءَ آئی ءَ گوشت کہ حکومت یک جوانیں کاروباری چاگرد ءِ جوڑ کنگ، سرمایہ کاری ءِ دلبڈی ءُ برآمدات ءِ تہ ءَ گیشی ءِ واستہ جزمیگ اِنت۔ مزن وزیر ءِ ہدایت ءِ رد ءَ چار سال ءِ تہ ءَ گیشیں کسٹم ڈیوٹی ءِ ھلاس کنگ ءِ ٹیرف اصلاحات ، پنچ سال ءِ تہ ءَ ریگولیٹری ڈیوٹی ءِ ھلاس کنگ ، پنچ سال ءِ تہ ءَ کسٹم ایکٹ 1969 ءِ پنچمی شیڈول ءِ ھلاس کنگ ، کل ءَ 4 کسٹم ڈیوٹی سلیب ءِ جوڑ کنگ ءُ کسٹم ءِ تہ ءَ 1000 ءَ چہ گیش ڈیوٹی ءِ محدود کنگ اِنت۔ ءِ نیشنل ٹیرف پالیسی 2025-30 ءِ بہر جوڑ کتگ کہ ایشی ءَ را مرحلہ وار ءَ چہ عمل کنگ بیت۔ آئی ءَ گوشت کہ ورلڈ بینک ءِ رد ءَ اے اصلاحات آنی سر ءَ جوانیں رنگ ءَ عمل کنگ ءَ پد پاکستان ءِ میان اُستمانی ٹیرف خطہ ءِ تہ ءَ کم تریں ٹیرف جوڑ بیت۔ وزیر ءِ ھزانگ ءَ ڈیبٹ مینجمنٹ ءِ گہتری ءِ واستہ کتگیں گامگیج آنی بابت ءَ سرپد کنان ءَ گوشت کہ مئے معیشت دو دہائی ءَ چہ وام ءِ تہ ءَ انت۔ دو سال پیسر قرض ءِ جی ڈی پی ءِ تناسب 74 درسد بوتگ کہ نوں 70 درسد ءَ چہ کم بوتگ۔ پاکستان ءِ اولی قرض ءِ بائی بائی پروگرام ءِ چیر دستی ءَ یک ہزار ارب کلدار ءِ وام پدا زرتگ، فعال ری فنانسنگ پروگرام ءِ چیر دستی ءَ 850ارب کلدار ءَ چہ گیش ریکارڈ مارک اپ ءِ بچت کنگ بوتگ، وام ءِ میچورٹی ءِ اوسط وھد 66درسد گیش کنگ بوتگ، ایشی ءَ چہ ری فنانسنگ ءِ رسک کم بوتگ ءُ مالیاتی برجائی ءَ را گیش کتگ۔ آئی ءَ گوشت کہ اولی پانڈا بانڈ ءِ جاری کنگ ءِ تیاری سرجم بوتگ، ایشی ءِ مول ءُ مراد پاکستان ءَ را دگنیا ءِ مزنیں ءُ گہتریں چینی سرمایہ کاری مارکیٹ ءَ سر بوھگ ءِ ھاترا توانمند کنگ اِنت۔ ایس او ای اصلاحات ءِ حوالہ ءَ آئی ءَ گوشت کہ سرکاری ادارگ سرکاری خزانہ ءِ سر ءَ سالانہ 800ارب کلدار ءَ چہ گیش بوجھ ایر کن اَنت کہ اگاں سبسڈی، گرانٹ ءُ ایکویٹی ءِ رنگ ءَ سرکاری کمک ءَ را ھوار کنگ بہ بیت گڈا سالانہ یک کھرب کلدار ءَ چہ گیش بیت۔ حکومت ءَ آیوکیں وھد ءَ نجکاری، نوکیں دروشم ءُ ٹرپل پی ماڈل ءِ جار جتگ ءُ ایشی ءِ درجہ بندی کابینہ کمیٹی ءِ وسیلگ ءَ سرجم کنگ بوتگ۔ آئی ءَ گوشت کہ حکومت سرکاری شوبگ ءِ کارکردگی ءَ را گہتر کنگ، مالیاتی بوجھ ءَ را کم کنگ ءُ سرمایہ کاری ءَ را دیمروئی دیگ ءِ واستہ نوکیں ءُ متحرک نجکاری ءِ گامگیج ءِ رندگیری ءَ کنگ ءَ اِنت۔ اے گامگیج ءِ تہ ءَ غیر ضروری سرکاری ادارگ آنی شفاف ءُ موثر نجکاری ءِ سر ءَ دلگوشی دیگ بوتگ تانکہ جتا جتائیں شوبگ آنی تہ ءَ ھاسیں رنگ ءَ توانائی ءُ مالیاتی شوبگ آنی تہ ءَ مقابلہ، کارکردگی ءُ نجی سرمایہ کاری ءَ را گیش کنگ بہ بیت۔ آئی ءَ گوشت کہ مالی سال 2025-26ءَ مئے مول ءُ مراد پی آئی اے ءُ روزویلٹ ہوٹل، جینکس ءُ ڈسکو ءِ وڑیں کلیدی اثاثہ آنی نجکاری ءِ عمل ءَ را سرجم کنگ ءُ لین دین ءِ واستہ پالیسی ءُ ریگولیٹری اصلاحات ءَ را دیم ءَ برگ اِنت۔ آئی ءَ گوشت کہ درستاں چہ مستریں گپ ایش انت کہ ما نجکاری ءَ را ایوک ءَ مالی گامگیج نہ لیکیں بلکیں پاکستان ءِ سرمایہ کاری مارکیٹ آناں گیش ءُ گیوار کنگ ءِ وسیلگ لیکیں۔ منیجڈ پبلک لسٹنگ ءُ آفر آنی وسیلگ ءَ مئے مول ءُ مراد ایش انت کہ سرکاری اثاثہ آناں اسٹاک مارکیٹ ءَ ہوار کنگ بہ بیت تنکہ مارکیٹ ءَ شفافیت گیش بہ بیت، سرمایہ کار آنی بھر زوری ممکن بہ بیت ءُ معیشت ءِ تہ ءَ الس ءِ بھر زوری ءَ را دیم ءَ برگ بہ بیت۔ آئی ءَ وفاقی حکومت ءِ رائٹ سائزنگ ءِ سر ءَ زور پر دات ءُ گوشت کہ ما وفاقی حکومت ءِ ادارگی ڈھانچہ ءَ را مزن وزیر ءِ وژن ءِ رد ءَ راست، منظم ءُ نوکیں رنگ ءَ جوڑ کنگ ءِ واستہ گامگیج ءِ بندات کتگ۔ اے ھاسیں ءُ بنیاتی اصلاحات ءِ بنیاد ایش انت کہ حکومت ءَ را سرکاری آسراتی ءِ پھجارینگ ءِ ھاتر ءَ کم چہ کم بار ٹیکس دہندگانی سر ءَ ایر کنگی انت۔ وزیر خزانہ ءَ گوشت کہ نوکیں ھیال آنی واستہ جوانیں چاگرد ءِ جوڑ کنگ ءِ واستہ ما لوٹیں کہ حکومت کاروباری جیڈھ آنی تہ ءَ بھر مہ زوریت، ءُ اے رد ءَ نجی شوبگ ءَ را دیم ءَ برگ لوٹ ایت۔ انوگ ءَ تاں کابینہ ءَ دہ وزارت آنی رائٹ سائزنگ پلان منظور کتگ کہ نوں نفاذ ءِ پڑ ءَ انت، شش ڈویژن سئے ءَ یکجا کنگ بوتگ انت۔ 45 کمپنی نجی کنگ، یکجا کنگ یا بند کنگ بوھگ ءَ انت۔ چل ہزار ءِ نزیک ءَ ھالیگیں پوسٹ ھلاس کنگ بوتگ انت۔ آیوکیں دہ وزارت آنی واستہ رائٹ سائزنگ ءِ سفارش آناں گڈی رنگ داتگ ءُ ہشت دگہ وزارت آنی واستہ تجویز آنی سر ءَ چار ءُ تپاسی کنگ بوھگ ءَ اِنت۔ پنشن اصلاحات ءِ ھوالگ ءَ آئی ءَ گوشت کہ پنشن ریٹائرڈ ملازم آنی بنیاتی ھک انت۔ گوستگیں لھتیں دہائیاں ایگزیکٹو آرڈر ءِ وسیلگ ءَ پنشن ءِ اسکیم ءَ بدلی آرگ بوتگ کہ ایشی ءِ سبب ءَ سرکاری خزانہ ءِ سر ءَ بار گیش بوتگ۔ آئی ءَ گوشت کہ پنشن اسکیم ءَ را گہتر کنگ ءُ سرکاری خزانہ ءِ سر ءَ بوجھ ءَ را کم کنگ ءِ واستہ حکومت ءَ پنشن اسکیم ءَ اصلاحات کتگ چوشکہ زوت ریٹائرمنٹ ءِ دلپروش کنگ، پنشن ءَ را گیش کنگ، سی پی آئی ءَ گوں ھمگرنچ کنگ، یک زالبول ءِ بیرانی ءَ پد فیملی پنشن ءِ مدت ءَ را 1000 سال ءِ نیام ءَ گیش کنگ ءُ 1000 سال ءِ نیام ءَ ملٹی پنشن ءِ مدت ءَ را گیش کنگ۔ ریٹائرمنٹ ءَ پد دوبر ملازمت ءِ کیس۔ راجی ارزشت ءِ ھاسیں سرھال آنی سر ءَ احاطہ کنان ءَ وزیر ھزانگ ءَ گوشت کہ موسمی مٹ ءُ مٹ پاکستان ءِ زندگ بوھگ ءِ جیڈھ اِنت ءُ ایشی ءِ منفی اثرات آنی ھلاپ ءَ جنگ حکومت ءِ اولی ترجی آنی تہ ءَ یک اِنت۔ ورلڈ بینک ءُ آئی ایف سی وتی ملکی شراکت داری فریم ورک ءِ چیر دستی ءَ آیوکیں دہسال آنی تہ ءَ پاکستان ءَ را 40 ارب ڈالر ءِ وسیلگ پجارین اَنت۔ یک سال ءِ بے مٹیں کار ءَ پد آئی ایم ایف ءَ پاکستان ءِ واستہ 1.4ارب ڈالر ءِ ریزیلینس اینڈ سسٹینبلٹی فیسیلیٹی داتگ۔ پاکستان ءِ سرکار ءَ ھم وتی اولی گرین سکوک جاری کتگ۔ بے نظیر انکم سپورٹ پروگرام ءَ ھوار چاگردی رکھینگ ءِ گامگیج آنی ذکر کنان ءَ وزیر ءِ ھزانگ ءَ گوشت کہ مئے حکومت یک سرجمیں ءُ جوانیں چاگردی رکھینگ ءِ نظام ءِ وسیلگ ءَ چاگرد ءِ نزور تریں پڑ آناں رکھینگ ءِ واستہ جزم انت۔ جاری مالی سال 2024-25 ءِ تہ ءَ بے نظیر انکم سپورٹ پروگرام ءَ کم آمدنی ءِ ھاندان آناں اقتصادی مشکلات ءَ چہ رکھینگ ءِ تہ ءَ مزنیں کرد پیلو کتگ۔ 592ارب کلدار ءِ مزنیں کساس ءِ فنڈز ءِ وسیلگ ءَ 9.9لکھ مستحقیں ھاندان آناں غیر مشروط نقد کمک پجاری کنگ بوتگ۔ آئی ءَ گوشت کہ ایشی ءَ ابید 16 لکھ زھگ آناں وانگ ءُ زانگی اسکالرشپ ءِ رنگ ءَ مالی کمک پجاری کنگ بوتگ۔ بے نظیر انکم سپورٹ پروگرام ءِ نشک پروگرام ءِ چیر دستی ءَ یک ءُ نیم ملین حاملہ زالبول ءُ آہانی یک ءُ نیم ملین زہگ آناں نقد کمک ءُ ھاسیں غذائیت ءِ سر ءَ بنیات ءِ سر ءَ وردن ءُ وراک ءِ وسیلگ ءَ کمک دیگ بوتگ۔ آئی ءَ گوشت کہ مالیاتی شمولیت ءِ دیمروئی ءِ واستہ سرجمیں سال ءِ تہ ءَ دو سد ءُ پنچ ہزار (250ہزار) فائدہ مند آناں مالیاتی سواد ءِ تربیت دیگ بوتگ۔ انفارمیشن ٹیکنالوجی ءِ ھوالگ ءَ وزیر ءِ ھزانگ ءَ گوشت کہ آئی ٹی شوبگ وتی برآمدی توان ءِ سبب ءَ ملکی معیشت ءِ سک باز المی ئیں بھر جوڑ بوتگ۔ ڈیجیٹل گورننس ءُ سائبر سیکورٹی ءِ رد ءَ پاکستان ءِ ازمت ءَ را میاں اوستمانی تک ءَ منگ بوتگ ۔