اسلام آباد۔10جون (اے پی پی):مزن وزیر محمد شہباز شریف ءَ گشتگ کہ پاکستان نوں ٹیک آف پوزیشن ءَ انت، درستیں اقتصادی اشاریے آنی سرءَ سدک انت، روایتی جنگ ءَ ہندوستان ءَ را ہلاس کنگ ءَ پد، نوں آئی ءَ را اقتصادی پڑ ءَ ہم چہ آئی ءَ دیم ءَ روگی انت، سرجمیں راج یک جان انت، اے وڑیں موہ کرناں پد ودی بنت، پگار گروکیں تبک ءَمعاشی استحکام ءِ تہا مزنیں کردے پیلو کتگ، زردار ءُ بااثریں طبقہ ءَ ہم وتی کرد پیلو کنگی انت۔ آئی ءَ اے ھیالانی درشانی سئے شمبے ءِ روچ ءَ وفاقی کابینہ ءِ دیوان ءَ گوں تران کنان ءَ کت۔ مزن وزیر محمد شہباز شریف ءَ راج ءَ را ائید ءِ روچ ءُ زیارتی آناں حج ءِ روچ مبارکی دات۔ مزن وزیر ءَ فلسطینءُ کشمیر ءَ برجاھیں زلم ءُ زوراکیءُ بربریت ءِ سک مذمت کت ءُ گوشت کہ فلسطین ءَ برجاھیں بربریت نوکیں دور ءِ بدتریں ظلم انت، غزہ ءَ زوت جنگ بندی ءِ واستہ میاں اوستمانی براتی وتی کرد ءَ پیلو بہ کنت۔مزن وزیر ءَ گوشت کہ بے گناہیں زھگ، جنک ءُ بے گناہیں مسلمان آنی ھون ریچگ بوھگ ءَ انت، نوکیں زمانگ ءَ اے وڑیں ظلم ءُ زوراکی پیسر ءَ گندگ نہ بوتگ۔ کشمیرءُ فلسطین ءِ الس ءَ الم ءَ آجوئی رس ایت ۔ مزن وزیر ءَ فلسطینیءُ کشمیری برات ءُ گھار آنی سرجمیں کمک ءِ یکرندے پدا گوشت کہ پاکستان ءِ الس کشمیریءُ فلسطینی برات ءُ گہار آنی گوما ھمگام ءَ اوشتاتگ ءُ دیم ءَ ھم آھانی گوما اوشتاتگ اَنت۔مزن وزیرءَآیوکیں مالی سال ئِ بجٹ ئِ ھوالگ ئَ وفاقی کابینہ ئِ تہ ئَ تران کنان ئَ گوشت کہ گوستگیں سال ئُُ نیم سال ئِ ساھت ئَ حکومت ئُُ الس ئَ سنگینیں جاور ھال ئُُ چیلنج آنی دیمپانی بوتگ۔ عام مردم ءُ تنخواہ داریں طبقہ ءَ اقتصادی استحکام ءِ تہا مزنیں کردے پیلو کتگ۔ گوستگیں بجٹ ءَ تنخواہ داریں طبقہ ءَ ہما بار کہ زرتگ ءُ راجی خزانہ ءَ 400 ارب کلدار داتگ ات، اے چاگرد ءِ نامدار ءُ زرداریں طبقہانی ہاترا یک جُستے کہ آہاں کجام کساس ءَ کمک کتگ۔ تنخواہ داریں طبقہ ءِ قربانی، محنت ءُ کوشست ءِ سبب ءَ پاکستان مرچییک انچیں جاہے ءَ اوشتاتگ کہ چہ اودا آ چہ اودا بال کنگ ءِ جاور ءَ انت۔ مزن وزیر ءَ گشت کہ معیشت ءِ تہا محکمی ء ِ جوانیں اشاریے دیما آتکگ اَنت، گران بہائی ءِ شرح ءُ پالیسی ریٹ ءِ تہا کمی آتکگ، برآمدات ءِ تہا گیشی بوتگ۔ آئی ءَگشتگ کہ پاکستان انوگیں جنگءَ دژمنءَ را پروش داتگ کہ آئیءَ گشتگ بوتگ کہ پاکستان مئے گوما دیم پہ دیم بوت نہ کنت، معاشی پڑءَ ہم بھارتءَ را پروش دئیاں، اگاں لوٹءُ طلب بہ بیت گڑا ہرچی بوت کنت، درستاناں شپءُروچ محنت کنگ لوٹ ایت۔ مزن وزیر ءَ گوشت کہ اقتصادی سوبمندی آنی تہ ءَ توامیں ادارگ آناں کرد پیلو کتگ، نوں اے موہ اتکگ کہ ما درست یکجائی ءَ دیم ءَ بہ جن ایں، سرجمیں راج یک جان، دو بدن انت، اے وڑیں موہ سداں سال آنی تہ ءَ پیداک بنت، اے ساھت ضائع کنگ مہ بیت ایشی ءَ چہ پائدگ چست کنگ بہ بیت۔ہندوستان جنگ ءَ وتیپروش ءَ پد آپ ءَ را سلاہ ءِ بستار ءَ کارمرز کنگ ءِ گپ ءَ کنگ ءَ اِنت۔ ما پاکستان ءِ بہر ءِ یک یک پِٹ ءَ زوریںءُ ایشی ءِ تہ ءَ ھچ وڑیں رکاوٹ ءَ برداشت نہ کن ایں ۔ ہندوستان ءَ مئے آپ ءِ بہر ءَ بند کنگ ءِ ھچ وڑیں حق نیستءُ آ چوش کت نہ کنت۔ ما گوں چاریں استاناں جاور ھال ءِ سر ءَ گپ ءُ تران کتگ۔ ما اے دیم ءَ ھم سوبین بئیں۔ مزن وزیر ءَ بجٹ ءِ ھوالگ ءَ وزارت ھزانگ ءَ ھوار توامیں وزارت آنی محنت ءَ را ساڑات۔
