اسلام آباد۔10جون (اے پی پی): وفاقی وزیر اھوالکاری ءُ نشریات عطا اللہ تارڑ ءَ گوشت کہ آیوکیں مالی سال ءِ بجٹ جوانیں ءُ الس دوستیں بجٹ بیت، مزن وزیر شہباز شریف ءَ مدام ریلیف پجاری ءِ گپ جتگ، مہنگائی ءِ تہ ءَ ھاسیں کمی ءُ سرجمیں دیمروئی ءِ تہ ءَ مزنیں گیشی بوتگ۔ سئے شمبے ءِ روچ ءَ پارلیمنٹ گس ءَ میڈیا ءَ گوں تران کنان ءَ وفاقی وزیر ءِ اھوالکاری ءَ گوشت کہ آیوکیں مالی سال ءِ بجٹ جوانیں ءُ الس دوستیں بجٹ بیت، مزن وزیر شہباز شریف ءَ مدام ریلیف پجاری ءِ گپ جتگ، آ ھما وعدہ ءَ پیلو کنت، آئی ءِ سروکی ءَ ملک اقتصادی بحران ءِ نیمگ ءَ درکپگ ءَ انت ءُ دیم ءَ روگ ءَ انت۔ یک جُستے ءِ پسو ءَ آئی ءَ گوشت کہ ھندی زوراکی ءِ وھد ءَ اپوزیشن ءَ جوانیں کردے پیلو کتگ، بلے گوستگیں روچ ءَ آوانی پریس کانفرنس دلپروش کنوک بوتگ۔ اپوزیشن ءِ گور ءَ معاشی جیڈھانی بابت ءَ ھچ وڑیں ٹھوس ڈیٹا نیست ات۔ آہاں تیاری کنگی ات۔ بجٹ ءِ سرا تنقید کنگ ءِ ھاترا آہانی گور ءَ ہچ نیست ات۔ ہمے سبب انت کہ آ وڑ وڑیں پندل ءُ بہانہ شوہازگ ءَ انت۔ وفاقی وزیر ءِ اھوالکاری ءَ جست ءِ پسو ءَ گوشت کہ پاکستان ڈیفالٹ ءِ کش ءَ چہ دراتکگ ءُ اقتصادی دیمروئی ءِ کشک ءَ انت۔ اے اپوزیشن ءِ مردم اتنت کہ آہاں پاکستان ءِ ڈیفالٹ کنگ ءِ شرط ایر کتگ ات۔ اللہ تعالیٰ پاکستان ءَ شرپ داتگ۔ پاکستان ءَ افراط ءِ تہ ءَ کمی بوتگ ءُ سرجمی ءَ دیمروئی ءِ تہ ءَ گیشی بوتگ ۔ دگہ جُست ءِ پسو ءَ آئی ءَ گوشت کہ مزن وزیر جوانیں وعدہ کنگ ءَ بوتگ آں ۔ مارا چہ آئی ءَ مزنیں اُمیت دارگی اِنت۔
