ملتان۔ 10جون (اے پی پی) بنجائی وزیر ریلوائی حنیف عباسی پارینے کہ پنجاب انفارمیشن ٹیکنالوجی بورڈ آن ایم او یو آن پد ریلویز نا مچ آ سسٹم ءِ ڈیجیٹلائز کننگک، چندی ٹرین و ہسپتال آتے آؤٹ سورس کننگ تون اوار لاہور آن روس اکن 22جون آن ٹرین سروس نا ہم بناءِ کننگک۔ داخیال آتا درشانی ءِ او سے شنبے نادے آ ملتان اٹی میڈیا تون گپ وتران کرسا کرے۔ اوپارے کہ ریلوائی 31مئی اسکان تینا 77 سال انا تاریخ اٹی غٹ آن زیات ریونیو دوئی کرے ہراٹی مستی ودکی کن گڈز ٹرین چلیفنہ۔ ریلوائی اسٹیشن و کالونی تے ستھرا پنجاب مہم نا رداٹ ساف کننگ انگ ءِ، ریلوائی ٹریکس آ میوہ دار درخت و نیال ہم خلنگک۔ بنجائی وزیر ریلوائی پارے کہ وزیراعظم نا است خواہی ءِ ازبکستان و قازقستان ءِ ریلوائی ٹریک تون ملفنگے۔ اوپارے کہ تھرکول و ریکوڈک نا سرسہبی کن ننے ریلوائی ءِ پوسکن آ وڑتتون ہم گرنچ کروئی مریک و اودے شون تروئی مریک۔ اوپارے کہ مسافر آتا آسراتی کن زوت فری وائی فائی سروس نا بناءِ کننگ والا اُن۔ ریلوائی ٹی پنجاب فوڈ اتھارٹی نا کمک اٹ فوڈ کوالٹی ءِ گچین و مسافر آتیکن آسراتی تیٹی ودکی کرسا اوفتا پت بحال کننگک تانکہ ریلوائی کٹیا ٹی ودکی کننگ مرے۔ بنجائی وزیرپارے کہ ریلوائی نا 14 اسکول آتیٹی 5200 چناخواننگ ءُ۔ آؤٹ سورس کننگ آن ریلوائی اسکول آتا ہم آب تعلیم پین گچین مریک۔ ریلوائی نا شونداری کن بھاز انگا ڈٹ آتیا سجفنگ انگ ءِ، آؤٹ سورس کننگ آن ریلوائی اسکول آتا ہم آب تعلیم پین گچین مریک۔ ریلوائی نا شونداری کن بھاز انگا ڈٹ آتیا سجفنگ انگ ءِ ۔ ساڑی آ پاک بھارت بے چیٹی نا بارواٹی سوج انا ورندی ٹی اوپارے کہ آرمی چیف ءِ گچین کارکڑد آ فیلڈ مارشل جوڑ کننگا۔ پاکستان دفاعی اعتبار اٹ اسہ سوگو ءُ ملک اسے و دا دنیا امنا کرینے۔ دشمن نن نا تہاری ٹی پاکستان آ جلہو کرے ہرانا ننا فوج پبی ورندی ءِ تس و مچ آ قوم انا کاٹم ءِ گمراٹ بڑز کرے، محمد حنیف عباسی پارے کہ دِیر ننا زند ءِ ہراڑآ ہچ ءُ سمجھوتہ اس مفک۔
