کوئٹہ۔ 10 جون (اے پی پی) کے ایم سی ایل نا چیئرمین زانگ زوئی، ایف سی 170 ونگ انا میجر حمزہ ئسک پارینو کہ پاک چین سنگتی اسہ انمول ءُ ٹیکی اسے ، ہڑتوم آ ملک آتا تعلقداری بے مٹ ءِ ہرا پاکستان خاص کر بلوچستان اٹی شونہالی اتنگ اٹ اہم کڑد ادا کننگ ءِ، کوہ سلطان مائننگ کمپنی علاقہ نا شونداری و شونہالی ٹی اہم کڑد ادا کننگ ءِ۔ داہیت ءِ او بھلا عئید انا وخت آ سیاہ دک پروجیکٹ کوہ سلطان مائننگ کمپنی ٹی اڈ ہلوک دود آن تران کرساپارے۔ داوخت آ جی ایم یو آنگجون ، اسسٹنٹ مینجر کے ایم سی ایل سید جان یوسفزئی، ایڈمن آفیسر طلال خان، ایڈمن آفیسر سہیل ظفر، ایچ آر منیجر جہانگیر بلوچ ایجباڑی، اکومینڈیشن آفیسر شہزاد نذیر، سہیل ربانی، سیکورٹی آفیسر حسنین گل سنجرانی، سراج احمد، ایف سی 170 ونگ انا مینجر حمزہ چندی خلق آتیان بروک کمیونٹی کمیٹی نا قبائلی راہشون ہراٹی مشکے چاہ آن خان عبدالرحمان محمد زئی، سلیمان الفت محمد زئی، نوکچاہ آن عبدالسلام محمد زئی، حافظ صلاح الدین محمد زئی، دوربن چاہ آن سید بشیر سید بلانوشی، ہمے ریکوڈک آن ملک سعید اللہ محمد زئی، راجے گولشٹاپ وادیان تالاپ ، وشاپ برائیوک عیسیٰ طاہر و ایلوخلق انا راہشون و پروجیکٹ نا آفیسر و چائنیز مینجمنٹ نا آفیسر آک ہم ساڑی ئسر۔ داوخت آ کے ایم سی ایل نا چیئرمین زانگ زوئی، ایف سی 170 ونگ انا میجر حمزہ تران کرسا پاریر کہ پاک چین سنگتی اسہ انمول ءُ ٹیکی اسے ہڑتوم آملک آتا تعلقداری بے مٹ ءِ ہرا پاکستان خاص کر بلوچستان اٹ شونہالی اتنگ اٹ اہم کڑد ادا کننگ ءِ نن اسہ مشت و اسہ قوت اس جوڑ مننگ نا ہر حداسکان کوشست کینہ، تانکہ نن پین دنیا نا مون آ شونداری نا کسرآ کانہ۔ کوہ سلطان مائننگ کمپنی داجاگہ نا مخلوق نا است آتیٹی مہرومریبت ودی کننگ نا کنڈآ ہِننگ ءِ و شونداری نا ڈٹ آتیا اہم کڑد ادا کننگ ءِ، قبائلی راہشون و کمیٹی نا باسک خان عبدالرحمان محمدزی، دفعیدار ستاریار محمد زئی و ایلوفک ہم تران کرسا ہندا اومیت ظاہر کریر کہ داجاگہ نا پسماندہ علاقہ غاک ہنداوڑ نا بھلا پروجیکٹ آتا کمک اٹ فائدہ دوئی کننگ کیرہ داجاگہ نا نیزگار آبادی ہندافتا انتظاراٹی ءُ تانکہ داجاگہ نا پسماندگی مُرمننگ کے، چائے روزگار نا بابت مرے یا انفراسٹرکچر نا بابت مرے یا پین شونداری ڈٹ اس مرے ایسر اٹ چائنیز مینجمنٹ عئید گفٹ کن بھلو کچ اسے ٹی راشن بشخا ہراکہ اسہ اہم و نیک ءُ کاریم اسے ہراڑآن کیہی علاقہ غاتا کمیونٹی نا مخلوق ءِ فائدہ مس و او عئید گفٹ نا راشن تیان فائدہ ہرفیر۔ اوسیاہ دک پروجیکٹ کوہ سلطان مائننگ کمپنی نا منت واری ءِ ہرفے ہراکہ کاریم نا بنامننگ آن مست غٹ خلق آتے پت اٹی ہلسا اوفتا راجی آسودہی کن کاریم کننگ ءِ۔
