لاہور ۔9جون (اے پی پی): مزن وزیر محمد شہباز شریف ءَ گوستگیں وھد ءَ پاکستان ءُ بھارت ءِ جیڈھ ءِ وھد ءَ امن ءُ گپ ءُ تران ءِ واستہ چست کتگیں متوازن موقف ءِ سر ءَ منت واری ءِ درشان کنان ءَ تاجکستان ءِ صدر امام علی رحمان ءُ تاجکستان ءِ براتیں الس آناں عید الاضحٰی ءِ مبارکی گوشت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف ءَ تاجکستان ءِ صدر ءَ گوں ٹیلی فون ءِ سر ءَ گپ ءُ تران ءِ ساھت ءَ اے جزبگ آنی درشانی کتگ۔ مزن وزیر محمد شہباز شریف ءَ عید ءِ نیکیں موہ ءِ سر ءَ ٹیلی فون ءِ سر ءَ گپ ءُ تران ءِ ساھت ءَ تاجکستان ءِ صدر واجہ ایموملی رحمون ءُ تاجکستان ءِ براتیں اُلس ءَ را ائید ءِ سلام ءُ دروت کت۔ دلپھکی ءُ گرمیں ٹیلی فون گپ ءُ تران ءِ ساھت ءَ مزن وزیر ءَ دوشنبے ءِ گوستگیں تر ءُ تاب ءِ وھد ءَ آئی ءُ آئی ءِ ڈل ءَ را دل ءِ جہلانکی ءَ گوں کتگیں مہمان داری ءِ سر ءَ پاکستانی ڈل ءِ منت گپت ءُ گلیشیر کنزرویشن ءِ ھوالگ ءَ میاں اوستمانی کانفرنس ءِ سوبمندیں برجم دارگ ءِ سر ءَ تاجکستان ءَ را مبارک بات دات۔ مزن وزیر محمد شہباز شریف ءَ استیں پاکستان ءُ ہندوستان ءِ جیڈھ ءِ وھد ءَ امن ءُ گپ ءُ تران ءِ واستہ تاجکستان ءِ متوازن موقف ءِ سر ءَ منت واری ءِ درشانی کنان ءَ اے گپ ءِ سر ءَ زور پر دات کہ پاکستان ءَ مدام دمگ ءَ امن ءُ ایمنی ءِ برجائی ءِ کوشست کتگ ءُ ھمے جذبہ ءِ تہ ءَ پاکستان ءَ جنگ بندی ءِ سر ءَ تپاک کتگ ات۔ دوئیں رہشون آں دو نیمگی سیادی آنی تہ ءَ وت مہ وتی دلچسپی ءِ درستیں پڑ آنی تہ ءَ کم کم ءَ دیمروئی کنوکیں سیادی آنی جوانیں رپک ءِ سر ءَ دل یکیمی ءِ درشانی کت۔ مزن وزیر ءَ تاجکستان ءِ صدر ءَ را زوتاں چہ زوت پاکستان ءِ سرکاری تر ءُ تاب ءِ دعوت ءِ ھم یک رندے پدا گوشت۔ صدر ایموملی رحمون ءَ ٹائیفون کال ءِ سر ءَ مزن وزیر ءِ منت گپت ءُ دمگی امن ءُ ایمنی ءِ واستہ پاکستان ءِ کوشست آناں ساڑات۔ آئی ءَ ھم عید الاضحٰی ءِ موہ ءَ پاکستان ءِ الس ءَ گوں نیکیں واھشت ءِ درشان کُت۔
