عید الاضحٰی قربانی، برات ءُ براتی ءِ جذبہ ءَ را پدر کنگ ءِ روچ اِنت، وفاقی وزیر منصوبہ بندی احسن اقبال

اسلام آباد۔9جون  (اے پی پی): وفاقی وزیر برائے منصوبگ بندی احسن اقبال ءَ گوشت کہ عید الاضحٰی ءِ روچ قربانی، براتی ءُ براتی ءِ جذبہ ءَ را پدر کنگ ءِ روچ اِنت۔ اے مئے اجتماعی ذمہ واری انت کہ ما چاگرد ءِ گریب، تنگدست، نزور ءُ محرومیں تبک ءِ ھیالداری ءَ بہ کنیں۔ مہر، برداشت، براتی، یکوئی ءِ دیما برگ ءَ راجی دیمروئی ءِ سفر ءَ دیما برگ لوٹیت۔ اے ھیالانی درشانی وفاقی وزیر ءَ 1446 ھجری ءِ عید الاضحٰی ءِ موہ ءَ راج ءَ را وتی کلوہ ءِ تہ ءَ کت۔ آئی ءَ ائید ءِ وشیں موہ ءِ سر ءَ سرجمیں پاکستانی راج ءُ مسلم امت ءَ را دل ءِ جہلانکی ءَ چہ مبارکی دات ءُ گوشت کہ ائید ءِ روچ قربانی، براتی ءُ برات ءِ جذبہ ءَ را برجا کنگ ءِ روچ اِنت۔ اے روچ مارا حضرت ابراہیم (ع) ءُ حضرت اسماعیل (ع) ءِ اللہ تعالیٰ ءِ دیم ءَ اطاعت، قربانی ءُ تابعداری ءِ یات ءَ دنت۔ قربانی ءِ روح مارا سکین دنت کہ اللہ تعالیٰ ءِ ہاترا ہر ذاتی واہشت ءِ قربانی کنگ بالاتریں عمل اِنت۔ احسن اقبال ءَ گوشت کہ ما وتی زندمان ءَ حضرت ابراہیم (ع) ءِ قربانی ءِ روح ءَ وتیگ بہ کن ایں ءُ وتی کردار ءُ عمل ءِ وسیلگ ءَ چاگرد ءِ تہ ءَ گہتری آرگ لوٹ ایت۔ چاگرد ءِ گریب، باصلاحیت، نزور ءُ محرومیں تبک ءِ ھیال داری کنگ مئے اجتماعی ذمہ واری انت۔ مارا مہر، برداشت، براتی ءُ یکوئی ءِ دیم ءَ برگ ءَ راجی دیمروئی ءِ سفر دیم ءَ برگی انت۔ مارا اے عہد کنگی انت کہ ما یکے دومی ءِ درد ءُ رنجاں بہر بہ کنیں ءُ پاکستان ءَ را وشحال ءُ مھکمیں ملکے جوڑ بہ کنیں ۔ وفاقی وزیر احسن اقبال ءَ گوشت کہ یک راج ءِ بستار ءَ مارا نفرت، تعصب ءُ تپاکی ءَ چہ بُرز بوھگ ءَ یک یکجاھیں راج ءِ بستار ءَ دیم ءَ روگی اِنت۔ دعا کت کہ اللہ تعالیٰ مئے قربانیاں قبول بہ کنت ءُ مہروانیں وطن ءَ امن ءُ ایمنی ، دیمروئی ءُ وشحالی بہ دنت۔