وفاقی وزیر انجینئر امیر مقام ءَ وتی ماتیں دمگ پوران چاگم شانگلہ ءَ عید ءِ نماز ونتگ

اسلام آباد۔9جون  (اے پی پی): کشمیر ءِ کار آنی وفاقی وزیر گلگت بلتستان، سیفرون ءُ صدر مسلم لیگ ءِ انجینئر امیر مقام ءَ وتی وتی دمگ پوران چاگم شانگلہ ءَ عید ءِ نماز ونت ءُ اے ملک ءِ یکوئی ءُ وشحالی ءِ ھاتر ءَ ھاسیں نماز ھم ونت۔ مچی ءَ مقبوضہ کشمیر ءُ فلسطین ءِ مظلومیں الس ءِ آجوئی ءُ گہبودی ءِ دعا ہم کنگ بوتگ۔ وزارت کشمیر ءِ نیمگ ءَ چہ جاڑی بوتگیں بیان ءِ رد ءَ وفاقی وزیر امرالی مقام ءَ ائید ءِ نماز ءِ وانگ ءَ پد دمگی نندوکیں مردم، بزرگ ءُ سیاسی کارندہ آں گوں ائید ءِ موہ ءَ دل ءِ جہلانکی ءَ سلام ءُ دروت کتگ۔ اے موہ ءِ سر ءَ آئی ءَ راجی یکوئی ءِ ارزشت ءِ سر ءَ زور پر دات ءُ ملک ءِ دفاع ءَ سلاہ بندیں اُرد آنی قربانی آناں شگر ءُ منت گپت۔ آئی ءَ گوشت کہ مئے بامردیں شھیداں ماتیں گلزمین ءِ ایمنی ءُ حاکمی ءِ واستہ وتی سر ندر کتگ اَنت۔ ما گوں آھانی ھانداناں اوشتاتگیں ءُ اے پاکیں روچ ءَ آھانی غم ءَ بھر کنیں۔ وفاقی وزیر ءَ کشمیری ءُ فلسطینی الس ءِ برجاھیں کوشست ءِ سر ءَ چمشانک دیان ءَ پاکستان ءِ بے دروریں موقف ءِ سر ءَ زور پر دات۔ ما اے وشیں موہ ءِ سر ءَ وتی مظلومیں کشمیری ءُ فلسطینی برات ءُ گہاراں چہ شموشکار مہ بئیں۔ پاکستان ایشانی اخلاقی ءُ سفارتی کمک ءَ برجاہ دار ایت داں ایشاں وتی جائزیں حق رسگ ءَ انت۔