کراچی۔ 08 جون (اے پی پی): سندھ ءِ سر وزیر مراد علی شاہ ءَ ملیر لیبر اسکوائر ءِ نزیک ءَ یک کارخانہ یے ءَ آس لگگ ءِ وئیل ءِ نوٹس زرتگ ءُ پنت ءُ شون کتگ کہ زوتیں وھد ءَ آسزگ ءَ را کنٹرول کنگ بہ بیت تنکہ تاوان کم چہ کم بہ بیت۔ یک شمبے ءِ روچ ءَ بنجاھی وزیر ایوان ءِ نیمگ ءَ جاڑی بوتگیں بیان ءِ رد ءَ آئی ءَ ڈپٹی کمشنر کراچی ءَ چہ اے وئیل ءِ رپورٹ لوٹ اِتگ۔ آئی ءَ گوشت کہ آتشزدگی کجا ءُ کئے ءَ بندات کتگ ایشی ءِ سرجمیں رپورٹ من ءَ کنفرم کنگ بہ بیت۔ آئی ءَ گیش گوشت کہ من کارخانہ آنی سرجمیں معائنہ ءِ رپورٹ ھم لوٹ آں ۔
