لاہور۔8جون (اے پی پی): مزن وزیر محمد شہباز شریف ءَ جمہوریہ ترکیہ ءِ صدر رجب طیب اردوان ءَ گوں پرمڈائیں گند ءُ نند ءَ آئی ءَ را ءُ ترکیہ ءِ براتیں اُلس ءَ را عید ءِ نیکیں موہ ءَ سلام ءُ نیکیں واھگاں سر کت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ استنبول ءِ گوستگیں تر ءُ تاب ءُ لاہور ءِ تر ءُ تاب ءِ ساھت ءَ برجم داشتگیں گند ءُ نند آنی حوالہ ءَ یک رندے پدا صدر اردوان ءِ منت گپت کہ آ ہند ءُ پاکستان ءِ جیڈھ ءِ وھد ءَ ترک آنی نیمگ ءَ پاکستان ءِ مھکم ءُ بے دروریں کمک ءَ کنت۔ اے اشارہ ءَ پاکستانی دل ءَ را ٹچ کت ءُ پاک ترکیہ برات ءِ راجدپتر ءَ دگہ شانداریں بابے گیش کت۔ دوئیں رہشون آں وتی گوستگیں گند ءُ نند ءِ ساھت ءَ کتگیں ھاسیں پیسلہ آنی سر ءَ عمل کنگ ءِ سر ءَ ھم تپاک کتگ۔ ایشی ءَ چہ دو نیمگی کمک ءَ را گیش کنگ ءَ کمک رسیت ھاسیں رنگ ءَ تجارت ءُ سرمایہ کاری ءِ تہ ءَ۔ دوئیں رہشوناں بنیاتی مفاد آنی سر ءَ یکے دومی ءِ بے مٹیں کمک ءِ پدر کنگ کت۔ ایشاں غزہ ءِ جاور ھال ءُ نوکیں دمگی ءُ جھان ءِ دیمروئی آنی ھوالگ ءَ ھم ھیال ءُ لیکہ درشان کنگ بوت۔ صدر اردگان ءَ ائید ءِ موہ ءَ مزن وزیر شہباز شریف ءِ گرمیں دعا آنی پد ءَ شگر ءُ منت گپت ءُ پاکستان ءِ اُلس ءَ را ھم نیکیں واھگ آنی درشان کت۔ آئی ءَ سرجمیں ھاسیں جیڈھ آنی تہ ءَ پاکستان ءِ گوما ترکیہ ءِ مھکمیں جزم ءِ سر ءَ زور پر دات۔
