راولپنڈی۔8جون (اے پی پی): نیول اسٹاف ءِ سروک ایڈمرل نوید اشرف ءَ پاک بحریہ ءِ پلاسٹک ءِ ردی ءِ کشگ ءِ گر ءُ دار، آلودگی ءِ کنٹرول ءِ گامگیج آنی سر ءَ عمل کنگ ءُ تباہ کنوکیں ماہی گیری ءِ کار آنی سر ءَ بندش ءِ ھوار جتا جتائیں فعال گامگیج آنی وسیلگ ءَ زر ماحولیاتی نظام ءِ رکھینگ ءِ جزم ءِ سر ءَ پدا زور پر دات۔ ہر سال 8جون ءَ برجم دارگ بوتگیں جھان ءِ جہانی روچ ءِ موہ ءَ وتی کلوہ ءِ تہ ءَ نیول اسٹاف ءِ سروک ایڈمرل نوید اشرف ءَ اے سال ءِ بنگپ ءِ ارزشت ءِ سر ءَ زور پر دات کہ ایشی ءَ زمین ءِ سر ءَ زندمان ءِ برجائی ءِ تہ ءَ جہانی ھاسیں کرد ءَ را ھاسیں رنگ ءَ پدر کنت۔ آئی ءَ گوشت کہ ما دریائی تیل ءِ کشگ ءِ دیم ءَ دارگ ءِ واستہ ٹھوس گامگیج زورگ ءِ واستہ جزم ایں، آلودگی ءِ کنٹرول ءِ گامگیج آنی سر ءَ عمل کنگ ءُ تباہ کنوکیں ماہی گیری ءِ جال آنی سر ءَ بندش جنگ ءِ واستہ، جان سلامتی ءِ رھبند ءُ دریائی وسیلگ آناں پائیدار کارمرد کنگ ءِ واستہ دلبڈی دیگ ءِ واستہ جزم ایں ۔ آئی ءَ گوشت کہ مئے سیارے ءِ 70درسد ءَ چہ گیش ءِ سر ءَ ھواریں ساھگ آکسیجن ءِ مزنیں وسیلگ، موسمیاتی ریگولیٹر ءُ زندمان ءِ تنوع ءِ تہ ءَ مزنیں کردے پیلو کن اَنت، اے درستیں چیز جھان ءِ معیشت ءِ واستہ المی اَنت۔ مرچی مئے سمندر آلودگی، گیشیں ماہی گیری ءُ موسمیاتی بدلی ءِ سبب ءَ مزنیں ھترہ ءِ آماچ انت، اے گپ ءِ سرا اقوام متحدہ ءِ میری ٹائم کانفرنس 9 ءَ بگر داں 13 جون ءَ فرانس ءِ شہر نائس ءَ برجم دارگ بوھگ ءَ انت۔ آئی ءَ گوشت کہ اے نہ ایوک ءَ سمندر آنی رکھینگ ءُ پائیدار کارمردی ءِ واستہ گامگیج آناں دیمروئی دیگ ءِ سر ءَ دلگوشی دنت بلکینگ ءَ پائیدار دیمروئی ءِ مول ءُ مراد 14 ءِ سر ءَ عمل کنگ ءِ کمک ءِ واستہ راہ ءُ در آنی پجارینگ بیت، ایشی ءِ تہ ءَ سمندر ءُ دریائی وسیلگ آنی ایمن ءُ پائیدار کارمردی ھوار اِنت ءُ ایشی ءِ جوانیں رنگ ءَ سرجمی ءِ واستہ شریکداری جوڑ کنگ بیت۔ آئی ءَ گوشت کہ پاکستان ءِ واستہ مئے دراجیں کش ءُ گور ءُ زرباری دریائی وسیلگ راجی گنج انت۔ زندمان ءِ تنوع ءِ اے ھاسیں خزانہ تیزی ءَ گوں زوال ءِ حالت ءَ انت ءُ درستیں سٹیک ہولڈر آنی نیمگ ءَ چہ زوت ءُ مھکمیں مداخلت ءِ لوٹ انت۔ آئی ءَ گوشت کہ ملکی دریائی شوبگ ءِ مستریں سرپرست ءِ بستار ءَ پاک بحریہ اے ھاسیں ذمہ واری ءَ چہ جوانیں رنگ ءَ سرپد انت۔ ملین ءَ چہ گیش مینگرو ءِ پودگ ءِ ایر کنگ ءَ گوں اے کوسٹل لچک ءَ را مھکم کنگ ءُ زندمان ءِ تنوع ءَ را گیش کنگ ءِ مئے جزم ءِ درشان کنت۔ ایشی ءَ ابید ما وتی جزم ءَ را مرکوز آپریشن ءُ ہمگرنچیں مشق آنی وسیلگ ءَ زر آلودگی ءِ ھلاپ ءَ جنگ ءَ برجاہ دارگ ءَ ایں، ایشی ءَ چہ وتی سمندر آناں چاگردی تاوان ءَ چہ رکھینگ ءَ ایں ۔ چاگرد ءِ زمہ واری ءَ را منگ ءَ آئی ءَ گوشت کہ پاک بحریہ سرپدی مہم ءُ کلیدی شریکداری ءِ وسیلگ ءَ چاگردی ارزشت آناں ھم دیمروئی دیگ ءَ اِنت۔ اے موہ ءِ سر ءَ نیشنل انسٹی ٹیوٹ آف میری ٹائم افیئرز ءَ اے جیڈھ ءِ بابت ءَ سرپدی پیداک کنگ ءُ مئے سمندر آنی رکھینگ ءِ راہ ءُ در آناں پدر کنگ ءِ واستہ یک روچی میاں اوستمانی سیمینار ءِ برجم داشتگ۔ آئی ءَ گوشت کہ جہانی اقیانوس ءِ روچ مارا ایوک ءَ شناخت ءَ چہ دیم ءَ روگ ءُ آسر آنی بنیات ءَ یکجائی گامگیج زورگ ءِ لوٹ کنت۔ چیف آف نیول اسٹاف ءَ توامیں سٹیک ہولڈر آناں لوٹ کت کہ آ پاک بحریہ ءِ گوما دست ءُ دپ بہ کن اَنت ءُ مئے سمندر آنی جان سلامتی ءِ رکھینگ ءِ واستہ ایمن ءُ برجائی ءِ کار آناں وتیگ بہ کن اَنت۔ اجتماعی طور ءَ ما وتی گران بہائیں سمندرانی بے دروریں برکتاں چہ فائدہ چست کنیں، آہانی پائیداریں شان ءُ شُہاز ءِ رکھینگ ءُ زند ءِ روانی ءَ را محفوظ کنیں کہ آ مئے آیوکیں نسلانی ہاترا داتگ انت۔
