آیوکیں مالی سال 2025-26  ءِ بجٹ سئے شمبے ءِ روچ ءَ پیش کنگ بیت

اسلام آباد۔8جون  (اے پی پی): حکومت مالی سال 2025ءِ بجٹ ءَ را سئے شمبے 10جون ءَ پارلیمنٹ ءَ پیش کنت ایشی ءِ تہ ءَ اقتصادی استحکام ءِ ھاترا یک سرجمیں روڈ میپ ءِ سر ءَ دلگوشی دیگ بیت، دیمروئی ءِ سر ءَ مبنی اصلاحات ءَ را دیم ءَ برگ ءُ الس ءِ چاگردی ءُ اقتصادی امیت آناں پیلو کنگ بیت۔ وفاقی وزیر خزانہ ءُ آمدنی محمد اورنگزیب بجٹ پیش کنت۔ زانگ بہ بیت کہ آیوکیں مالی سال ءِ بجٹ ملکی ءُ میاں اوستمانی محاذ ءِ سر ءَ معیشت ءِ دیم ءَ استیں چیلنج آنی ھیال ءَ دارگ ءَ جوڑ کنگ بوتگ۔ الس ءِ جیڈھ، آبادی ءِ کمی، کشت ءُ کشاری شوبگ ءِ نوکیں لیکہ آنی سر ءَ بدلی، انفارمیشن ٹیکنالوجی ءِ دیمروئی ءُ برآمدات ءِ تہ ءَ گیشی بجٹ ءِ دستاویز ءِ بنیات ءُ فوکل پوائنٹ بیت۔ مالیاتی انتظام ءَ ابید بجٹ ءَ آمدنی ءِ یکجا کنگ، اقتصادی استحکام ءُ دیمروئی، غیر دیمروئی ھرچ ءُ درچ ءِ کمی، روزگار ءِ موہ ءِ پیداک کنگ ءُ ملک ءِ چاگردی ءُ اقتصادی وشھالی ءِ واستہ مردم دوستیں گامگیج ھم ھوار کنگ بنت۔ وسیلگ ءَ گشتگ کہ مالی سال 2026-2025 ءِ وفاقی بجٹ ءِ جار جنگ ءِ تیاری ءِ رد ءَ ٹھینگ بوتگیں ٹائم لائن ءِ رد ءَ زبردستی ءَ گوں برجاہ انت۔ آئی ءَ گیش گوشت کہ بجٹ ءِ سر ءَ توامیں اسٹیک ہولڈرز، محکمہ ءُ وزارت آنی گوما گپ ءُ تران کنگ بوھگ ءَ انت۔ اے درگت ءَ 9جون (جمعہ) ءَ بجٹ ءَ پیسر یک ھاسیں دستاویز ”پاکستان ءِ اقتصادی سروے“ شنگ کنگ بیت۔ اے سروے ءَ چہ جاری مالی سال ءِ تہ ءَ معیشت ءِ سرجمیں کارکردگی ءِ سر ءَ چمشانک دیگ بیت، ایشی ءَ چہ یک حقیقت پسندانہ رائے ءُ آیوکیں منصوبگ بندی ءِ بنیات ھم دیم ءَ کیت۔