اسلام آباد۔ 05جون (اے پی پی) وزیراعظم محمد شہباز شریف ضلع دیامراٹی پولیو کیس انا سخت نوٹس ءِ ہلسا معمول نا امیونائزیشن ءِ پین گچین کننگ نا پارت کرینے۔ پنچ شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم داپارت ءِ بنجائی وزیر قومی جان جوڑی سید مصطفیٰ کمال و وزیراعظم نا فوکل پرسن پولیو عائشہ رضافاروق تون اوڑدہی ٹی تس۔ وزیراعظم دیامر اٹی رپورٹ مروک آ ساڑی آ پولیو کیس آ گڑتی نا درشانی ءِ کرے و پارت کرے کہ معمول نا امیونائزیشن ءِ پین گچین کننگے۔ وزیراعظم پارے کہ ہمویونین کونسل آک ہراڑے پولیو نا زیات کیس رپورٹ مننگ ءِ و امیونائزیشن گچین اف، اوفتا سخت چاروکی ءِ کننگے۔
