اسلام آباد–06 جون (اے پی پی): ڈیجیٹل میڈیا ءِ ھوالگ ءَ مزن وزیر ءِ وزیر / ھاسیں کمکار فہد ہارون ءَ سر وزیر گلگت بلتستان حاجی گلبر خان ءُ وزیر / ایس اے سی ایم ءِ تجارت ءُ ورنا آنی کار زبی اللہ ءَ گوں گند ءُُ نند کتگ۔ دیوان ءِ تہ ءَ گلگت بلتستان ءِ میاں اوستمانی تک ءَ ستا کرزیں سیل ءُُ سواد ءِ شوبگ ءَ را گیش دیم ءَ آرگ ءِ واستہ ڈیجیٹل میڈیا ءُ پبلک کمیونیکیشن ءَ را گیش ءُ گیوار کنگ ءِ واستہ یکجاھیں کوشست آناں پٹ ءُ پول کنگ ءِ سر ءَ دلگوشی دیگ بوتگ۔ 2025 ءِ واستہ سروکیں گلوبل ٹریول پلیٹ فارمز ءِ نیمگ ءَ چہ یک مزنیں منزل آنی تہ ءَ یکے ءِ رنگ ءَ منگ بوتگیں گلگت بلتستان وتی قدرتی زیبائی ءُُ متحرک دود ءُُ ربیدگ ءِ واستہ ھاسیں دلگوشی ءِ کشگ ءَ برجاہ اِنت۔ بحث ءُُ تران ءَ ورنا آناں بااختیار جوڑ کنگ ءُُ خطہ ءَ تجارت ءِ دیمروئی ءِ بابت ءَ ھم گپ ءُُ تران کنگ بوتگ ءُُ پائیدار اقتصادی دیمروئی ءِ ھاتر ءَ یکجائی ءِ عزم ءِ سر ءَ زور پر دیگ بوتگ۔ فہد ہارون ءَ دگنیا ءِ پڑ ءَ دمگ ءِ پروفائل ءَ را گیش کنگ ءُُ گیشیں سامعین ءَ را ھوار کنگ ءِ تہ ءَ ڈیجیٹل پلیٹ فارم آنی ارزشت ءِ سر ءَ زور پر دات وھدیکہ بنجاھی وزیر، وزیر / ایس اے سی ایم ءُ ایندگر حکام ءَ بازیں شوبگ آنی تہ ءَ دیمروئی ءِ ھاترا وتی جھد ءِ دوبر پدر کت۔ اے باہمی گپ ءُ تران شریکداری ءِ مھکم کنگ ءِ تہ ءَ یک مزنیں گامگیج ءِ نشان اِنت کہ ایشی ءِ مول ءُ مراد گلگت بلتستان ءِ اقتصادی ءُ چاگردی دیمروئی ءَ را نوکیں رابطہ ءِ حکمت عملی ءِ وسیلگ ءَ گیش کنگ اِنت۔
