ریلوے ءَ را ایشیائی    ملک آنی گوما تجارتی سیادی ءَ را گیش کنگ ءِ واستہ وتی نیٹ ورک ءَ را گیش کنگ ءِ حکمت عملی جوڑ کنگی اِنت، مزن وزیر شہباز شریف  دیوان ءَ را گشتانک

اسلام آباد۔4جون  (اے پی پی): مزن وزیر محمد شہباز شریف ءَ نوکیں بنیات آنی سر ءَ ریلوے ءِ دیمروئی ءَ را راجی پالیشی ءِ ھاسیں بھر لیکگ ءَ گوشت کہ ملک ءِ اقتصادی ءُ صنعتی دیمروئی ءِ واستہ سرجمیں ملک ءَ ریلوے ءِ بنیاتی ڈھانچہ ءَ را پائیدار بنیات ءِ سر ءَ پدا جوڑ کنگ ءِ ضلورت اِنت۔ ریلوے ءَ را میاں اوستمانی ملک آنی گوما تجارتی سیادی ءَ را گیش کنگ ءِ واستہ وتی نیٹ ورک ءَ را گیش کنگ ءِ حکمت عملی جوڑ کنگی اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ اے ھیالانی درشانی چار شمبے ءِ روچ ءَ وتی سروکی ءَ مزن وزیر ءَ پاکستان ریلوے ءِ ھوالگ ءَ جیڈھ آنی ھوالگ ءَ دیوان ءَ گوں تران کنان ءَ کت۔ مزن وزیر ءَ گوشت کہ ریلوے ءِ نظام کجام ھم ملک ءِ معیشت ءِ مڈی انت۔ ملک ءِ اقتصادی ءُ صنعتی دیمروئی ءِ ھاتر ءَ سرجمیں ملک ءَ ریلوے ءِ بنیاتی ڈھانچہ ءَ را پائیداریں بنیات ءِ سر ءَ پدا جوڑ کنگ ءِ ضلورت اِنت۔ دمگی تجارت ءُ رابطہ آنی واستہ نوکیں بنیاد آنی سر ءَ ریلوے ءِ دیمروئی راجی پالیشی ءِ یک ھاسیں بھرے ۔ آئی ءَ ہدایت کت کہ ریلوے ءَ را میاں اوستمانی ملک آنی گوما تجارتی سیادی ءَ را گیش کنگ ءِ واستہ وتی نیٹ ورک ءَ را گیش کنگ ءِ حکمت عملی جوڑ کنگی انت۔ مزن وزیر ءَ گوادر ءَ را پاکستان ریلوے نیٹ ورک ءَ گوں جوڑ کنگ ءِ کار ءَ را ترند کنگ ءِ ھم ہدایت کتگ۔ ریلوے ءِ وفاقی وزیر حنیف عباسی ءَ پاکستان ریلوے ءِ تہ ءَ جاری اصلاحات ءِ ھوالگ ءَ مزن وزیر ءَ را سرپدی دیان ءَ گوشت کہ پاکستان ریلوے ءِ تہ ءَ گیش سرمایہ کاری ءِ واستہ بے دروریں گنجائش است انت، مزنیں ءُ ھاسیں ریلوے اسٹیشن آنی سر ءَ نوکیں انفارمیشن ڈیسک جوڑ کنگ بوھگ ءَ انت، ریلوے، ریلوے ءُ لاپینی اسٹیشن آنی سر ءَ صفائی ءِ نظام ءَ را آؤٹ سورس کنگ بوتگ۔ صوبائی وردن ءِ واکدار ٹرین ءُ ریلوے اسٹیشن آنی تہ ءَ دیم دیگ بوؤکیں وردن آنی سر ءَ نگرانی ءِ واستہ یکجاہ کار کنگ ءَ اَنت۔ بریفنگ ءِ تہ ءَ گوشت کہ الس ءِ آسراتی ءِ واستہ دیریں سروسز دوبر بندات کنگ بوتگ، بولان میل ءَ انوگیں وھد ءَ روچ ءِ سروس ءِ بنیات ءَ بندات کنگ بوتگ، وھدیکہ ڈیرہ غازی خان ءُ خوشال خان خٹک ایکسپریس ھم بحال کنگ بوتگ، سککور ءُ کوہٹڈوال ءَ ریلوے ءِ کنکریٹ سلیپر فیکٹری آؤٹ سورس کنگ بوھگ ءَ انت۔ مزن وزیر ءَ را گوشگ بوت کہ کراچی، لاہور، پشاور، کوئٹہ، ملتان ءُ سککر ءَ ریلوے ءِ ہسپتال، اسکول، کالج ءُ ریسٹ ہاؤس آناں آمدنی ءِ بہر ءُ بانگ ءِ بنیات ءَ آؤٹ سورس کنگ بوھگ ءَ انت ءُ رائل پام گالف اینڈ کنٹری اسٹار ہوٹل لاہور ءِ نیلامی کنگ بوھگ ءَ انت کہ اودا ای فبلی ءِ سرجمیں گنجائش است انت۔ بریفنگ ءَ گوشت کہ ریلوے ءَ را نوک کنگ ءِ واستہ ڈیجیٹلائزیشن ءِ کار ترندی ءَ گوں کنگ بوھگ ءَ اِنت، ریلوے ءِ آئی ٹی ڈائریکٹوریٹ ءِ نوکیں رنگ ءَ جوڑ کنگ بوھگ ءَ اِنت، ٹرین آنی تہ ءَ مفت وائی فائی سروسز پجاری کنگ بوھگ ءَ اِنت، ربیتا موبائل فون ایپلی کیشن ءَ را ھم نوک کنگ بوھگ ءَ اِنت، ایشی ءِ وسیلگ ءَ ٹرین ءِ ٹکٹ بک کنگ بوت کنت۔ ایشی ءَ ابید 155 ریلوے اسٹیشن شمسی توانائی ءَ بدل کنگ بوھگ ءَ انت ایشی ءَ چہ حکومت ءَ را بازیں ملین کلدار ءِ بچت بیت۔ رائٹ سائزنگ پالیسی ءِ رد ءَ 17101 پوسٹ ھلاس کنگ بوتگ اَنت ءُ آیوکیں وھد ءَ دگہ 5695 پوسٹ ھلاس کنگ بنت۔ بریفنگ ءِ رد ءَ پاکستان ریلوے ایڈوائزری اینڈ کنسلٹنسی سروسز، ریل کاپ، پاکستان ریلوے فریٹ ٹرانسپورٹ کمپنی ءُ منصوبگ ءِ سرجمی ءِ یونٹ ھلاس کنگ بوتگ انت۔ 10ارب کلدار ءِ ریلوے زمین گرگ بوتگ ۔ پنجاب حکومت ءِ کمک ءَ لاہور ءُ راولپنڈی ءِ نیام ءَ تیز رفتار ٹرین سروس ، لاہور ءُ راولپنڈی اسٹیشن آنی اپ گریڈیشن ، ءُ پنجاب ءَ ریلوے ءِ ہشت شاخ لائن آنی سر ءَ مضافاتی ٹرین سروس آنی سر ءَ کار کنگ بوھگ ءَ اِنت۔ بریفنگ ءِ تہ ءَ گوشت کہ شاہدارہ باغ ءَ چہ کوٹ لکھپت ءَ تاں ریلوے لائن ءِ دوئیں نیمگ ءَ گرین بیلٹ جوڑ کنگ بیت، وھدیکہ پنجاب ءِ جنگل ءِ محکمہ ءِ کمک ءَ مین لائن آنی دوئیں نیمگ ءَ میوہ ءِ درچک ءِ کشت ءُ کشار کنگ بیت، ءُ سریاب کچلک ءُ کوئٹہ چمن ءِ کمک ءَ بگلوچیستان ریلوے لائن ءِ سیکشن آناں اپ گریڈ کنگ بیت۔ بیان ءِ رد ءَ مزن وزیر ءَ ریلوے ءِ وفاقی وزیر حنیف عباسی ءَ را پاکستان ریلوے ءَ برجاھیں اصلاحات ءُ نوکیں منصوبگ آنی رفتار ءِ سر ءَ مبارکی دات۔ گند ءُ نند ءَ ریلوے ءِ وفاقی وزیر حنیف عباسی، مزن وزیر ءِ مشیر ڈاکٹر طوقر شاہ، ریلوے ءِ وزیر مملکت بلال اظہر کیانی ءُ سیادی داروکیں سرکاری مزنیں کارندہ آں بہر زرتگ۔