پیپرا ءَ 408ماسٹر ٹرینر آنی تربیت سرجم کتگ

اسلام آباد۔4جون  (اے پی پی): پبلک پروکیورمنٹ ریگولیٹری اتھارٹی پاکستان ءَ ساپ ءُ سلہ ائی ، جوانیں حکومت کنگ ءُ کارکردگی ءِ واستہ مزن وزیر ءِ وژن ءِ رد ءَ 408ماسٹر ٹرینر آنی تربیت سرجم کتگ۔ گوستگیں یک سال ءِ تہ ءَ پیپرا ءَ ای پروکیورمنٹ ءِ سر ءَ عمل کنگ ءَ را گیش کنگ ءُ پروکیورمنٹ ءِ کانود آنی سر ءَ عمل کنگ ءَ را دل یکیمی کنگ ءِ واستہ 15 ھاسیں تربیتی پروگرام برجم داشتگ اَنت۔ چار شمبے ءِ روچ ءَ پیپرا ءِ ہیڈ کوارٹر ءَ برجم داشتگیں مراگش ءِ ساھت ءَ منیجنگ ڈائریکٹر پیپرا حسنت احمد قریشی ءَ تربیتی پروگرام آنی تہ ءَ بھر زوروک آنی نیام ءَ سرٹیفکیٹ بھر ءُ بانگ کت۔ سرٹیفائیڈ ماسٹر ٹرینر نوں وتی وتی ادارگ آنی تہ ءَ ای پاک ءِ گرگ ءُ رد کنگ ءِ نظام (ای پیڈز) ءِ ھوالگ ءَ تربیت دنت، ایشی ءَ چہ پاکستان ءَ سرکاری زرکاری ءِ شوبگ ءَ ڈیجیٹل ءُ معیاری کارروائی آناں دیمروئی دیگ بیت۔ حسنت احمد قریشی ءَ وتی گشتانک ءِ تہ ءَ تربیتی پروگرام آنی ارزشت ءِ سر ءَ زور پر دات ءُ اے گپ ءِ پدر کنگ ءَ گوشت کہ پیپیرا ءِ راجدپتر ءَ اولی رند ءَ ای پروکیورمنٹ ءَ را ادارگی جوڑ کنگ ءُ سرکاری فنڈز ءِ شفاف، موثر ءُ منصفانہ کارمردی ءَ را دل یکیمی کنگ ءِ واستہ یک منظم ءُ جامع تربیتی منصوبگ ءِ دیم ءَ آرگ بوتگ۔ آئی ءَ شریکیں مردم آناں لوٹ کت کہ آ وتی محکمہ آنی تہ ءَ زرکاری ءِ عمل ءَ را سرگرمیں رنگ ءَ دیم ءَ برگ ءُ وتی ھمکار آناں ای پیڈز ءِ جوانیں کارمردی ءِ تہ ءَ تربیت بہ دنت کہ ایشی ءَ چہ پاکستان ءَ سرکاری زرکاری ءِ عمل ءَ انقلاب آرگ بوھگ ءَ اِنت۔ آئی ءَ گیش جار جت کہ پیپرا پیشہ وارانہ صلاحیت آناں گیش گیش کنگ ءِ واستہ اعتبار ءِ فریم ورک ءَ را گڈی رنگ ءَ دیگ ءَ اِنت۔ مراگش ءَ پیپرا ءِ مزنیں افسراں عتیق سلطان راجہ، عبدالمجید، فرخ بشیر ءُ اے دگہ افسراں بہر زرتگ۔ مزن وزیر ءِ وژن ءِ رد ءَ وفاقی وزارت، ڈویژن، اٹیچڈ محکمہ ءُ وت مہ وتی ادارگ آنی تہ ءَ پروکیورمنٹ سیل جوڑ کنگ بوھگ ءَ انت۔ پیپرا ای پی ڈی ایس ءِ جوانیں رنگ ءَ عمل درآمد ءُ سرکاری خریداری ءِ ریگولیٹری فریم ورک ءِ رد ءَ عمل کنگ ءَ را دل یکیمی کنگ ءِ واستہ یک جامع تربیتی پروگرام ءِ سر ءَ عمل کنگ ءَ اِنت۔