مزن وزیر ءِ ھاسیں کمکار ءُ وزیر ءِ مملکت فہد ہارون برطانیہ ءِ پولیٹکل   قونصلر زوئی ویئر  ءِ شرپ ءَ برجم داشتگیں الوداعی مراگش ءَ بہر  زوری

اسلام آباد۔4جون  (اے پی پی): مزن وزیر ءِ ڈیجیٹل میڈیا ءِ ھوالگ ءَ ھاسیں کمکار ءُ وزیر ءِ مملکت فہد ہارون ءَ برطانیہ ءِ پولیٹکل   قونصلر زوئی ویئر   ءِ شرپ ءَ برجم داشتگیں الوداعی مراگش ءَ بہر زرتگ۔ پاکستان ءِ واستہ برطانیہ ءِ ہائی کمشنر جین میریٹ ءَ اے مراگش ءِ شرپ گپت کہ آئی ءِ گس ءَ برجم دارگ بوتگ۔ مراگش ءَ کابینہ ءِ باسک، سفارتکار، سرکاری مزن مزنیں کارندہ ءُ سول سوسائٹی ءِ مردماں بہر زرتگ۔ مراگش ءِ مول ءُ مراد برطانوی پولیٹکل   قونصلر زوئی ویئر   ءِ شرپداریں ھزمت آناں یات کنگ ءُ پاک برطانیہ ءِ سیادی ءَ را مھکم کنگ ءِ تہ ءَ آئی ءِ کرد ءِ ساڑائی کنگ بوتگ۔ اے موہ ءِ سر ءَ مزن وزیر ءِ ڈیجیٹل میڈیا ءِ ھوالگ ءَ ھاسیں کمکار ءُ وزیر ءِ مملکت فہد ہارون ءَ پولیٹکل   قونصلر زوئی ویئر   ءِ ساپ دلیں جزم  ءُ آئی ءِ جوانیں سفارتی کرد ءِ ساڑات۔ آئی ءَ گوشت کہ زو ویئر یک اصولی ءُ ڈیوٹی ءِ سر ءَ کار کنوکیں سفارتکار بوتگ۔ پاکستان ءُ برطانیہ ءِ نیام ءَ وت مہ وتی مفاہمت ءُ اعتماد ءِ دیمروئی ءُ وت مہ وتی سیادی ءَ را مھکم کنگ ءِ واستہ آئی ءِ کوشست موثر ءُ برجائی بوتگ انت، ما آئی ءِ دوستی ءُ عزم ءِ منت وار ایں ۔ آئی ءَ زو ویئر ءِ سفارتی کیریئر ءِ آیوکیں بھر ءِ واستہ نیکیں واھگ آنی درشان کت ءُ دل یکیمی دات کہ پاکستان ءُ برطانیہ ءِ نیام ءَ یکجائی دلچسپی ءِ توامیں پڑ آنی تہ ءَ اسٹریٹجک شریکداری ءَ را گیش دیمروئی دیگ بیت۔