پاکستان بیلاروس ءِ گوما اقتصادی شراکت داری ءَ را گیش کنگ لوٹ ایت، آئی ٹی ءُ دفاعی شوبگ ءَ کمک ءَ را گیش مھکم کنگ بیت، مزن وزیر شہباز شریف ءَ بیلاروس ءِ ڈل ءَ گوں گپ ءُ تران

اسلام آباد۔4جون  (اے پی پی): مزن وزیر محمد شہباز شریف ءَ گوشت کہ پاکستان بیلاروس ءِ گوما اقتصادی شریکداری ءَ را گیش کنگ لوٹ ایت، بیلاروس ءِ گوما انفارمیشن ٹیکنالوجی ءُ دفاعی شوبگ آنی تہ ءَ کمک ءَ را گیش مھکم کنگ لوٹ ایت، ما لوٹ ایت کہ بیلاروس ءِ مہارت ءَ چہ کشت ءُ کشاری مشینری ءِ شوبگ ءَ سیت زورگ لوٹ ایت۔ آئی ءَ اے ھیالانی درشانی بیلاروس ءِ وزیر دفاع لیفٹیننٹ جنرل وکٹر کرینن ءِ سروکی ءَ 7باسکی ڈل ءَ گوں گپ ءُ تران کنان ءَ کت کہ آئی ءَ چار شمبے ءِ روچ ءَ ادا آئی ءَ گوں گند ءُ نند کت۔ ڈل ءِ تہ ءَ پاکستان ءَ بیلاروس ءِ سفیر آندرے میٹالیستا، روس ءِ بالی اُرد ءُ بالی دفاع ءِ کمانڈر میجر جنرل آندرے لاخانووچ ءُ بیلاروس ءِ وزارت دفاع ءِ کارندہ ھوار اتنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ پاکستان ءُ بیلاروس ءِ نیام ءَ جوانیں دو نیمگی سیادی است انت کہ وھد ءِ گوما مھکم بوھگ ءَ انت۔ آئی ءَ گوشت کہ ما بیلاروس ءِ گوما اقتصادی شریکداری ءَ را گیش دیمروئی دیگ ءُ زرعی مشینری ءِ پڑ ءَ بیلاروس ءِ مہارت ءَ چہ سیت چست کنگ ءِ واھشت مند ایں ۔ مزن وزیر ءَ گوشت کہ انفارمیشن ٹیکنالوجی ءُ دفاع ءِ شوبگ ءَ بیلاروس ءِ گوما کمک ءَ ھم گیش مھکم کنگ بیت۔ اے سال ءَ آئی ءِ بیلاروس ءِ تر ءُ تاب ءِ ساھت ءَ دوئیں ملک آنی نیام ءَ بازیں مفاہمت نامہ ءُ معاہدہ آنی سر ءَ دستخط کنگ بوتگ کہ ایشی ءَ چہ دو نیمگی سیادی آناں گیش وسعت رسیت۔ مزن وزیر ءَ بیلاروس ءِ صدر الیگزینڈر لوکاشنکو ءِ واستہ نیکیں واھگ آنی درشان کنان ءَ بیلاروس ءِ ڈل ءَ را جنوبی ایشیا ءِ استیں ناگیگیں جاور ھال آنی ھوالگ ءَ پاکستان ءِ موقف ءِ بابت ءَ سرپد کت۔ آئی ءَ گوشت کہ پاکستان ءَ پہلگام ءِ وئیل ءِ سر ءَ سرجمیں تعصبی پٹ ءُ پول کتگ، ایشی ءِ سر ءَ جوانیں پسو ءِ بدل ءَ بھارت ءَ زوراکی ءِ درشان کتگ ءُ پاکستان ءِ سر ءَ اُرش کتگ، شہری آبادی ءَ را نشانگ جوڑ کتگ، ایشی ءِ تہ ءَ بے گناہیں شہری شہید بوتگ اَنت۔ مزن وزیر ءَ ڈل ءَ را سرپد کت کہ 10مئی ءَ پاکستان ءَ وت مہ وتی ءِ رکھینگ ءِ واستہ بھارتی زوراکی ءِ سر ءَ لائکیں پسو داتگ۔ بیلاروس ءِ وزیر دفاع ءَ بیلاروس ءِ صدر ءِ نیکیں واھگ مزن وزیر ءَ را سر کت۔ آئی ءَ گوشت کہ ما جنوبی قفقاز ءَ امن ءُ ایمنی لوٹ ایت، ءُ بیلاروس ءِ ڈل ءِ پاکستان ءِ تر ءُ تاب ءِ مول ءُ مراد بیلاروس ءُ پاکستان ءِ نیام ءَ مفاہمت نامہ ءُ معاہدہ آنی دستخط کنگ ءَ را گیش دیم ءَ برگ اِنت۔ من پاکستان ءُ بیلاروس ءِ دو نیمگی سیادی ءَ را گیش مھکم کنگ ءِ واستہ مزن وزیر شہباز شریف ءِ ذاتی دلچسپی ءَ را ساڑا آں ۔ بیلاروس ءِ وزیر دفاع ءَ پاکستان ءَ را وشیں وش اتک ءُ گرمیں مہمان داری ءِ سر ءَ مزن وزیر ءِ شگر ءُ منت گپت۔ گند ءُ نند ءَ  نائب    مزن وزیر   ءُ وزیر درئی کار  اسحاق ڈار ، وزیر دیمپان  خواجہ آصف ، بنجاھی  وزیر دیمپانی  پیداوار رضا حیات ہراج   ءُ  سیادی دروکیں ٹوھیں  اپسرگ ءُ کارندہ  ساڑی اتنت۔