بنجائی وزیر داخلہ محسن نقوی نا قطبی وزیرستان اٹی بھارتی مخ تف فتنۃ الخوارج نا برخلاف سرسہب آپریشن آ سیکورٹی فورس آتے خراج تحسین

اسلام آباد۔ 04 جون (اے پی پی) بنجائی وزیر داخلہ محسن نقوی قطبی وزیرستان نا علاقہ دتہ خیل اٹی بھارتی مخ تف فتنۃ الخوارج نا برخلاف سرسہب انٹیلی جنس بیسڈ آپریشن آ سیکورٹی فورس آتے خراج تحسین پیش کرسا پارینے کہ پاکستان نا گل زمین آن اسہ اسہ خوارجی دہشت گرد آتا پورو سفایا ءِ کینہ۔ چارشنبے نادے آ تینا اسہ بیان اسے ٹی بنجائی وزیر داخلہ سرسہب انٹیلی جنس بیسڈ آپریشن آ سیکورٹی فورس آتا کسبی لائخی تا ستاءِ کرے۔ اوپارے کہ سیکورٹی فورس آک 14 بھارتی مخ تف خوارجی دہشت گرد آتے جہنمی کرسا بھلو سرسہبی اس دوئی کریر ۔ محسن نقوی پارے کہ انڈین مخ تف فتنۃ الخوارج نا دہشت گرد آتا ناپاک ارادہ غاتے بے سہب کننگ آ سیکورٹی فورس آتے سلام پیش کینہ، قوم خوارجی دہشت گرد آتا چٹفنگ کن سیکورٹی فورس آتا کارروائی تے تحسین نا نظراٹ ہرک ۔ اوپارے کہ بھارتی مخ تف خوارجی دہشت گرد آتے عبرتناک انجا م پیدوار کلہو ءِ کہ پاکستان اٹی خوارجی تے ڈکھنگ کن جاگہ ملیپک، پاکستان نا گل زمین آن اسہ اسہ خوارجی دہشت گرد آتا پورو سفایاءِ کینہ۔