وزیراعظم محمد شہباز شریف نا قطبی وزیرستان اٹی بھارتی مخ تف فتنۃ الخوارج نا 14 دہشت گرد آتے جہنمی کننگ آ سیکورٹی فورس آتے خراج تحسین

اسلام آباد۔ 04جون (اے پی پی) وزیراعظم محمد شہباز شریف قطبی وزیرستان نا علاقہ دتہ خیل اٹی سیکورٹی آپریشن اٹی بھارتی مخ تف فتنۃ الخوارج نا 14 دہشت گرد آتے جہنمی کننگ آ سیکورٹی فورس آتے خراج تحسین پیش کرسا پارے کہ انسانیت نا دشمن دہشت گرد آتا ناپاک عزم ءِ مش تا کینہ۔ چارشنبے نادے آ پی ایم آفس نا میڈیا ونگ آن جاری بیان نا رداٹ وزیراعظم پارے کہ سیکورٹی فورس آتا کسبی مہارت آن نن دہشت گردی نا عفریت ءِ ماس کش کینہ۔ اوپارے کہ حکومت و سیکورٹی فورس آک ملک آن دہشت گردی نا پورو چٹفنگ کن سنبرینگوک ءُ۔