این ایف سی ءِ تہ ءَ خیبر پختونخوا ءِ واستہ یک درسد فنڈ ءِ ھمکچ ءُ درچ ناشرکاری ءِ ھلاسی ءَ تاں برجاہ بیت، سندھ ءِ آپانی منوگری ءِ رد ءَ آپ ءِ ھمک پٹ پاکستانی راج ءِ ھک اِنت،  مزن وزیر شہباز شریف پشاور ءَ جرگہ ءَ گوں تران

پشاور۔ 03 جون (اے پی پی): مزن وزیر محمد شہباز شریف ءَ گوشت کہ ناشرکاری ءِ ھلاپ ءَ جنگ ءِ بھمک ءِ رد ءَ این ایف سی ءَ خیبر پختونخوا ءِ واستہ ایر کنگ بوتگیں یک درسد فنڈ ناشرکاری ءِ ھلاسی ءَ تاں برجاہ بیت۔ 2010 ءَ چہ اے فنڈ ءِ چیر دستی ءَ خیبر پختونخوا ءَ 700 ارب ءَ چہ گیش زرّ دیگ بوتگ، 1960 ءِ سندھ ءِ آپانی منوگری ءِ چیر دستی ءَ آپ ءِ ہر پٹ پاکستانی راج ءِ حق اِنت،  فیلڈ  مارشل سید عاصم منیر  ءِ سروکی ءَ  پاکستای  فوج  ءَ ہندوستان   ءَ را  ٹوھیں سبک ءِ سھکارینتگ تاں زندگ انت  یات ءِ بیت   ءُ  تاں قیامت  ایشرا   بے ھیال نہ کنت، اگاں  ہندوستان ءَ   نہ وشیں  حرکت ءِ کت  گڈا آئی ءَ را   شر سبک سکھارینگ بیت۔  خیبر پختونخوا  ءَ   شرپ  مندیں  الس آں پاکستان ءِ دیمپانی ءِ واستہ  قربانی  داتگ، خیبرپختونخوا   یک  بے دروریں  صوبگ  ات۔  اے ھیالانی درشانی آی ءَ  سئے شمبے ءَ  پشاور  ءَ جرگہ   ءَ گوں تران  کنان ءَ کت۔  اے موہ ءِ سر ءَ فیلڈ  مارش   سید عاصم منیر ،  وفاقی وزیر اھوالکاری ءُ شنگ کاری  عطاء اللہ تارڑ، وفاقی وزیر  تہی کار  محسن نقوی، گورنر خیبر پختونخوا فیصل کریم کنڈی ، سر وزیر  خیبر پختونخوا علی امین خان گنڈاپور، کور کمانڈر لیفٹیننٹ جنرل عمر بخاری ،بنجاھی  ءُ صوبائی   وزیر  ءُ   سینیٹرز،  باسک  صوبائی اسمبلی  ءُ  قبائلی  سروک   ساڑی اتنت۔  مزن وزیر ءَ جرگہ ءَ گوں تران کنان ءَ گوشت کہ مرچی اے جرگہ ءَ شمئے دیم ءَ ساڑی بوھگ منی واستہ مزنیں شرپ ءِ گپ اِنت۔ ما واجہانی گپ اِش کتگ اَنت، ما سر وزیر خیبر پختونخوا ءِ گپ اِش کتگ اَنت، ما درست تئی گپانی گوشدارگ ءَ اتکگیں۔ آئی ءَ گوشت کہ خیبر پختونخوا صوبہ یک مزنیں صوبہ یے، من مدام وتی گشتانک آنی تہ ءَ گوشتگ کہ اے پاکستان ءِ جوانیں صوبہ آں چہ یک جوانیں صوبہ انت ایشی ءِ تہ ءَ برف ءِ سرپتگیں کوہ، واد ءُُ سکیں مہروانیں مردم است انت۔ تو 1947 ءِ ریفرنڈم ءَ پاکستان ءِ سرجمیں حمایت ءَ اے گپ ثابت کت کہ تو راستی ءَ پاکستان ءِ مزنیں حمایت کنوکے ئے۔ تو پاکستان ءِ دیمپانی کتگ۔ خیبرپختونخوا ءِ مئے بے حسابیں برات ءُ پیر ءُ گہار شہید بوت انت۔ اے ہما مزنیں قربانی اَنت کہ راجدپتر ءَ ہچبر شموشگ نہ بنت۔ بلے ھمک وھد ءَ کہ پاکستان ءِ گپ اتک شما ھمک اختلاف یک کِر ءَ ایر کُت اَنت ءُ پاکستان ءِ سبزیں ھلال ءِ بیرک چست کُت۔ من چہ دل ءِ جہلانکی ءَ ترا مبارک بات دیگ ءَ اتکگ آں ۔ 2016 ءَ اے پی ایس ءِ وئیل پشاور ءَ بوتگ۔ اودا چُک ءُ استاد شہید بوتگ اَنت ءُ پدا پشاور ءَ ٹکر ءُ ٹکر بوتگ ءُ چہ شریں وڑے ءَ جیڑگ ءَ پد ترا کٹائی ءِ کٹگ بیت۔ ءُ ایشی ءَ پد چے بوتگ مئے درستانی دیم ءَ انت۔ مرچی پیر ءُ سروکاں چے گُشتگ، مارا یکجاہ ءَ گوں سنجیدگی ءَ ھیال ءُ لیکہ کنگی اِنت ءُ پیسلہ کنگی اِنت۔ مزن وزیر ءَ گوشت کہ بنجاھی وزیر علی امان گنڈاپور ءَ این ایف سی ءِ چار ءُُ تپاسی ءِ بابت ءَ گپ جتگ، اے گپ دو ماہ پیسر اسلام آباد ءَ بوتگ ءُُ من ترندیں رنگ ءَ کمیٹی جوڑ کتگ، این ایف سی ءِ تہ ءَ نمائندگی کنوکیں صوبگ آنی نام دیگ بنت، اگست ءَ اولی دیوان گوانک جنگ بیت۔ آئی ءَ گوشت کہ 2010 ءِ این ایف سی ایوارڈ ءِ اولی شٹ ءَ چاریں صوبگ ناشرکاری ءِ ھلاپ ءَ جنگ ءِ واستہ یک رندے ءِ فنڈ خبر پختونخوا ءِ سر ءَ تپاک کنگ بوتگ۔ اے یک جائز ءُ راستیں پالیسی یے بوتگ کہ داں ناشرکاری ھلاس کنگ مہ بیت برجاہ مان انت بلے اے منصوبہ ءِ تہا بلوچستان گون نہ انت۔ مزن وزیر ءَ گوشت کہ انوگ ءَ تاں اے درگت ءَ خیبر پختونخوا ءَ 700 ارب کلدار ءَ چہ گیش زرّ ھوالگ کنگ بوتگ۔ بنجاہی وزیر ءَ دگہ لوٹ کتگ انت ءُُ یکجائی ءَ ایشی ءِ گیشواری ءَ شوہاز کنت۔ آئی ءَ گوشت کہ مئے کر ءَ ھمکچ وڑیں وسیلگ است انت آ پاکستان ءِ وسیلگ انت، ایشی ءِ تہ ءَ توامیں صوبگ آنی بھمک مان انت۔ من یکجاہ کار کناں کہ جیڈھ آناں گیش ءُ گیوار بہ کناں۔ من خیبر پختونخوا ءِ گورنر، خیبر پختونخوا ءِ سر وزیر، کور کمانڈر ءُ قبائلی سروکاں گوں گند ءُ نند کناں ءُ اگاں معاملہ دیم ءَ شت گڈا ما ایشی ءَ پارلیمنٹ ءَ ہم بریں۔ مزن وزیر ءَ گوشت کہ ھما وھد ءَ بھارت ءِ گوما جنگ بوتگ۔ پاکستان ءِ کلیں صوبہ ءِ اُلس ءِ دُعا اش ءِ تہ ءَ ھوار اتنت۔ 6 ءُ 7 مئی ءَ مئے بے میاریں پاکستانی دژمن ءَ کمین جتگ ءُ کُشتگ۔ فیلڈ مارشل ءِ سروکی ءَ پاک اُرد ءَ ہندوستان ءَ زند ءِ یک انچیں سبقے داتگ کہ ہندوستان کدی شموشکار نہ بیت۔ یکجہتی ءَ چہ ما پاکستان ءِ آکبت ءَ مٹ کن ایں ۔ انچوش کہ اے جنگ ءَ پاکستان سوب مند بوتگ ھمے رنگ ءَ معاشی پڑ ءَ ھم پاکستان سوب مند بیت ۔ من چہ چاریں ملکانی تر ءُ تاب ءَ نوک واتر بوتگ آں، ھمککس وش ات۔ مرچی سرجمیں راج یکجا اِنت، مارا پاکستان ءِ دیمروئی ءُ وشھالی ءِ واستہ مزنیں پیسلہ کنگی اَنت ۔ ما چاریں استانانی سرکاراں گوانک جنان ءَ یکجاہ بئیں۔ چوناھا ھندوستان ءَ شکست داتگ ءُ مودی سرکار آئی ءِ ٹپاں چاٹگ ءَ اِنت، ھندوستان ءَ آپ ءِ دھمکی دیگ ءَ اِنت۔ 1960 ءِ سندھ آپانی معاہدہ ءِ رد ءَ پاکستان ءِ مہلوک ءَ آپ ءِ ہر ٹپ ءِ حق است انت۔ مزن وزیر شہباز شریف ءَ گوشت کہ مارا آپ ءِ سر ءَ پیسلہ کنگی اِنت تانکہ بھارت ءِ نا شریں ارادہ دفن بہ بنت۔ مئے کرّا بے کساسیں ڈیم اَنت کہ اودا ما آپ ءِ زِر ءَ ایر کنیں، ما ایشانی سرا ھیال ءُ لیکہ ءِ سرا منصوبہ بندی کتگ بوت کنت۔ شریکیں مردماں پاکستان ءِ شہیداں فاتحہ پیش کت ءُ ملک ءِ ھاتر ءَ وتی سر ندر کرتگیں سپاھیگ ءُ اُرد ءِ کارندہ آناں شگر ءُ منت گپت۔