وفاقی وزیر مصطفیٰ کمال ءَ گوشت کہ گوستگیں مہم ءِ تہ ءَ 4 کروڑ 50 لاکھ ءَ چہ گیش زھگ آناں پولیو ءِ ھلاپ ءَ ویکسین کنگ بوتگ

اسلام آباد۔3جون  (اے پی پی): وفاقی جان سلامتی ءِ وزیر مصطفیٰ کمال ءَ گوشت کہ پولیو ءِ ھلاسی مئے راجی مکسد انت۔ پولیو ءِ گوستگیں مہم ءِ وھد ءَ 4 کروڑ 50 لکھ  ءَ چہ گیش زھگاں پولیو ءِ ھلاپ ءَ ویکسین کنگ بوتگ۔ پولیو ءَ چہ زھگانی رکھینگ مئے اجتماعی راجی ذمہ واری اِنت۔ آئی ءَ اے ھیالانی درشانی پولیو ءِ ھلاسی ءِ ھوالگ ءَ یک ھاسیں چار ءُ تپاسی دیوان ءِ تہ ءَ کتگ ات، ایشی ءِ تہ ءَ پولیو ءِ گوستگیں راجی مہم ءِ سرجمیں ءُ سرجمیں چار ءُ تپاسی کنگ بوتگ ات۔ راجی ءُ صوبائی رابطہ کاراں پولیو ءِ ھلاسی ءِ گامگیج، پیشرفت ءُ چیلنج آنی بابت ءَ سرپدی دات۔ وفاقی وزیر ءَ گوشت کہ مات ءُ پت پولیو ءِ کارکن وت شوھاز بہ کن اَنت ءُ وتی زھگ آنی جان سلامتی ءَ را دل یکیمی بہ کن اَنت۔ قیامت ءِ روچ ءَ مارا وتی چکانی جان سلامتی ءِ ذمہ وار بوھگی اِنت۔ مات ءُ پت وتی چکانی دژمن جوڑ مہ بنت پرچا کہ ما اے دُنیا ءُ آخیر ءَ زمہ وار ایں ۔ اِے ملک مئے اِنت ءُ اے بچ مئے مستریں زمہ واری اَنت۔ کینسر ءِ علاج بوت کنت بلے پولیو انگت یک لاعلاجیں نادراہی یے ۔ آئی ءَ گوشت کہ ما وتی دل ءَ چہ منفی سوچ ءَ دور بہ کن ایں ءُ وتی زھگاں اے مہلکیں نادراھی ءَ چہ بہ رکھین اِیں۔ وھد اتکگ کہ ما وتی پالیسی ءِ تہا یک مزنیں ءُ مزنیں بدلی یے بہ کنیں۔ اے المی انت کہ چاگرد ءِ درستیں تبک اے مہم ءِ بہر جوڑ کنگ بہ بنت۔ دنیا ءِ چم مئے سرا انت ءُ مارا اے نادراہی پہ دائمی ہلاس کنگی انت۔ آئی ءَ گوشت کہ دگنیا ءَ ایوک ءَ دو ملک ھست انت کہ آھانی تہ ءَ انگت ءَ پولیو وائرس ھست انت۔ اوگانستان ءَ مزنیں کچے ءَ مہم جاری اِنت۔ اوگانستان ءَ طالبان ءِ سرکار پولیو ءِ مہم ءَ سک باز جوانیں رنگے ءَ کنگ ءَ اِنت۔ کاش ما دوئیں یکیں وھد ءَ پولیو ءَ چہ آزاتیں ملک جوڑ بہ بئیں۔ اگاں ما یک راجے ءِ بستار ءَ ہندوستان ءَ را ہلاس کت کنیں گڑا پولیو ءِ ہلاس کنگ بوت کنت۔ آہاں گشتگ کہ اگاں فلسطین جنگی حالت ءِ تہا بوہگ ءِ باوجود پولیو ءَ چہ پاک انت گڑا ما چے ءِ ودار ءَ ایں؟ گند ءُ نند ءَ مزن وزیر ءِ فوکل پرسن  برائے انسداد پولیو عائشہ رضا فاروق سمیت  سپیشل سیکرٹری ہیلتھ، ایڈیشنل سیکرٹری ہیلتھ، نیشنل کوآرڈینیٹر پولیو، ڈبلیو ایچ او، یونیسیف ءُ  ایندگر  اسٹیک ہولڈر آں بہر زرتگ۔