سائبر کرائم ءِ گر ءُ دار ءِ ھاترا نوکیں ٹیکنالوجی، سافٹ ویئر ءُ ہارڈ ویئر ءِ جوانیں کارمرز کنگ المی انت،  وفاقی وزیر داخلہ محسن نقوی

اسلام آباد۔3جون  (اے پی پی): وفاقی تہی کارانی وزیر محسن نقوی ءَ گوشت کہ استیں نوکیں دور ءِ لوٹ آناں ھیال ءَ دارگ ءَ راجی سائبر کرائمز ءِ پٹ ءُ پولی ادارگ جوڑ کنگ بوتگ، سائبر کرائمز ءِ گر ءُ دار ءِ واستہ نوکیں ٹیکنالوجی، سافٹ ویئر ءُ ہارڈ ویئر ءِ جوانیں رنگ ءَ کارمرد کنگ المی اِنت۔ سئے شمبے ءِ روچ ءَ راجی سائبر کرائمز ءِ پٹ ءُ پولی ادارگ ءِ ہیڈ کوارٹر ءِ تر ءُ تاب ءِ موہ ءَ وفاقی تہی کارانی وزیر محسن نقوی ءَ ادارگ ءِ ہیلپ لائن سینٹر ءِ بنگیج کت ءُ کارندہ آں گوں گند ءُ نند کت ءُ ایشی ءِ نوکیں لیکہ ءِ ساڑات کت۔ وزیر داخلہ محسن نقوی ءَ ہیلپ لائن سینٹر، فرانزک لیب، ءُ نیٹ ورک سیکورٹی ءِ محکمہ ءَ ھوار جتا جتائیں بہر آنی تر ءُ تاب کتگ۔ اے موہ ءِ سر ءَ وفاقی تہی کارانی وزیر ءَ گوشت کہ این سی سی آئی اے ءِ ہیلپ لائن سرجمی ءَ کار کنگ ءَ اِنت، شہری سائبر کرائم ءِ ھوالگ ءَ شکایت آنی واستہ 1799 ءَ گوں فون کت کن اَنت۔ وزیر داخلہ محسن نقوی ءَ سیادی داروکیں افسر آناں ہدایت کت کہ آ زوتاں چہ زوت سائبر جرم آنی ھوالگ ءَ شکایت آنی گیواری ءَ بہ کن اَنت ءُ گوشت کہ مصنوعی ذہانت ءِ دور ءَ این سی سی آئی اے ءِ وڑیں ادارگ آنی ضلورت پیسر ءَ چہ گیش بوتگ۔ محسن نقوی ءَ گوشت کہ این سی سی آئی اے ءَ را انوگیں نوکیں دور ءِ لوٹ آناں ھیال ءَ دارگ ءَ جوڑ کنگ بوتگ، سائبر جرائم ءِ گر ءُ دار ءِ واستہ نوکیں ٹیکنالوجی، سافٹ ویئر ءُ ہارڈ ویئر ءِ موثر کارمردی المی اِنت، بے شک اے نوکیں ادارگ اِنت، اے ادارگ ءَ را شپ ءُ روچ کار کنگ ءَ چہ گیش ءَ چہ گیش موثر جوڑ کنگ لوٹ ایت، ادارگ ءَ ایوک ءَ آھاں سروسز ءِ وسیلگ ءَ ھم رسگ ءَ اِنت۔ ضروری آسراتی ءِ ھاتر ءَ دیم ءَ آرگ بوتگ۔ وزیر داخلہ ءَ این سی سی آئی اے ءِ ہیڈ کوارٹر ءِ ماڑی ءِ اپ گریڈیشن ءِ منصوبگ ءِ لوٹ کتگ ءُ کارندہ آنی کمی ءِ پیلو کنگ ءِ واستہ ترندیں گامگیج آنی ہدایت کتگ۔ وزیر داخلہ ءَ این سی سی آئی اے ءِ نوکیں لوگو ءُ پرچم ءِ ھم منظوری داتگ۔ آئی ءَ این سی سی آئی اے ءِ چیر دستی ءَ نیشنل سائبر اسکاؤٹس پروگرام ءِ زندگ کنگ ءِ ھم منظوری داتگ ءُ گوشت کہ اے پروگرام ءِ چیر دستی ءَ اسکول ءُ کالج آنی نودربر آناں سائبر جرائم ءِ ھوالگ ءَ سرپدی ءُ تربیت دیگ بیت۔ ڈائریکٹر جنرل این سی سی آئی اے وقار الدین سید ءَ وفاقی وزیر داخلہ ءَ را تنظیم ءِ کار آنی بابت ءَ سرپد کت۔ اے موہ ءِ سر ءَ تہی کارانی وزیر مملکت طلال چوہدری، سیکرٹری داخلہ خرم آغا ءُ ایندگر افسر ھم ساڑی اتنت۔