وفاقی داخلہ ءِ وزیر ءَ بنوں ءَ درئی  ناشرکارانی اُرش ءِ پد ءَ رند کنگ ءِ ھاتر ءَ خیبر پختونخوا پولیس ءَ را توسیپ ءُ ستا پیش کتگ

اسلام آباد۔3جون  (اے پی پی): وفاقی تہی کارانی وزیر محسن نقوی ءَ خیبر پختونخوا پولیس ءِ توسیپ کتگ کہ آئی ءَ بنو ءِ میریان پولیس اسٹیشن ءِ سر ءَ خاورجی ناشرکار آنی اُرش ءَ را پد ءَ دیم داتگ ءُ گوشت کہ خیبر پختونخوا پولیس ءَ بہادری ءَ گوں خاورجی ناشرکار آنی دیم ءَ اوشتاتگ ءُ اُرش ناکام کتگ۔ سئے شمبے ءِ روچ ءَ وتی بیان ءِ تہ ءَ وفاقی وزیر ءَ گوشت کہ اُرش ءِ ناکام کنگ ءِ واستہ پولیس ٹیم ءَ را خراج تحسین پیش کناں۔ آئی ءَ گوشت کہ خیبر پختونخوا پولیس ءِ بہادریں چک آں گوستگیں وھد ءَ ھم خاورجی ناشرکار آنی اُرش بہادری ءَ گوں گر ءُ دار کتگ اَنت۔ خیبر پختونخوا پولیس ءَ خاورجی ناشرکار آنی اُرش ءِ سر ءَ سکیں پیشہ وارانہ رنگ ءَ لائکیں پسو داتگ ءُ آھانی نا شریں ارادہ ناکام کتگ۔ محسن نقوی ءَ گوشت کہ آ فتنہ الخوارج ءِ ناشرکار آنی نا شریں ارادہ آناں ناکام کنگ ءِ سر ءَ سرجمیں پولیس ٹیم ءَ را مبارک بات دنت۔ آئی ءَ را خیبر پختونخوا پولیس ءِ دلیر ءُ پیشہ واریں زھگ آنی سر ءَ پھر  اِنت۔