مزن وزیر ءَ دیوان ءِ سروکی، دیامر بھاشا ڈیم ءِ وڑیں منصوبگ آناں اولیت ءِ بنیاد ءَ سرجم کنگ ءِ  پنت ءُ شون

اسلام آباد۔3جون  (اے پی پی): مزن وزیر محمد شہباز شریف ءَ گوشت کہ نوکیں ڈیم جوڑ کنگ ءِ واستہ آپ ءِ ذخیرہ کنگ ءِ گنجائش ءَ را گیش کنگ، کشت ءُ کشار ءِ واستہ درکاریں آپ ءِ پجارینگ ءُ سیلاب ءِ گر ءُ دار ءِ واستہ المی انت۔ توان ءِ پیداوار ءُ آپ ءِ پرچریں ذخیرہ ءِ یک موثر نظام ءِ جوڑ کنگ ءِ ھاتر ءَ ڈائیمر بھاشا ڈیم ءِ وڑیں منصوبگ آناں اولیت ءِ بنیاد ءَ سرجم کنگ بہ بیت۔ سئے شمبے ءِ روچ ءَ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ ڈائمر بھاشا ڈیم ءُ آبی وسیلگ آنی ایندگر جیڈھ آنی ھوالگ ءَ ھاسیں دیوان بوتگ۔ گند ءُ نند ءَ وفاقی وزیر منصوبہ بندی احسن اقبال ، وفاقی وزیر امور کشمیر  ءُ  گلگت بلتستان انجینئر امیر مقام ، وفاقی وزیر کانود ءُ   انصاف اعظم نذیر تارڑ ،وفاقی وزیر آپی آسراتی  معین وٹو ، مزن وزیر ءِ مشیر برائے  سیاسی  کار  و بین الصوبائی رابطہ  رانا ثناءاللہ ، وزیر اعلیٰ گلگت بلتستان گلبر خان  ءُ ہمگرنچیں سرکاری مزنیں کارندہ۔ مزن وزیر ءَ گوشت کہ آپ ءِ ذخیرہ کنگ ءِ گنجائش ءَ را گیش کنگ، کشت ءُ کشار ءِ واستہ لوٹوکیں آپ ءِ پجارینگ، ءُ سیلاب ءِ گر ءُ دار ءِ واستہ نوکیں ڈیم آنی جوڑ کنگ المی اِنت۔ مئے معاشی وت واجہی ءِ انحصار سستی بجلی ءُ زراعت ءِ سرا انت کہ ایشی ءِ ھاتر ءَ آپ ءِ ذخیرہ کنگ ءَ را گیش کنگ ءُ آپ ءِ موثر کارمرز کنگ ءِ ضلورت انت۔ مزن وزیر ءَ ہدایت کت کہ ملک ءَ توان ءِ پیداوار ءُ پرچھیں آپ ءِ ذخیرہ کنگ ءِ موثریں نظام ءِ جوڑ کنگ ءِ ھاتر ءَ ڈائیمر بھاشا ڈیم ءِ وڑیں منصوبگ اولی ترجی ءِ بنیاد ءَ سرجم کنگ بہ بنت ءُ ڈائیمر بھاشا ڈیم ءِ جوڑیشت ءِ تہ ءَ رکاوٹ جوڑ کنوکیں درستیں رکاوٹ آناں ترندیں رنگ ءَ گیش وار کنگ بہ بیت ءُ منصوبگ ءَ زوتاں چہ زوت سرجم کنگ بہ بیت۔