صدر ءِ مملکت ءَ بلوچستان ءَ 7 ھندوستانی ناشرکارانی کوش ءِ پد ءَ سیکورٹی فورسز ءَ را   توسیپ ءُ ستا

اسلام آباد۔3جون  (اے پی پی): صدر آصف علی زرداری ءَ بلوچستان ءَ دو جتا جتائیں آپریشن ءِ تہ ءَ 7ھندوستانی ناشرکارانی کوش ءِ سر ءَ سیکورٹی فورسز ءَ را شگر ءُ منت درشان کتگ ءُ گوشت کہ سیکورٹی فورسز ءِ آپریشن ھما وھد ءَ تاں برجاہ بیت کہ ناشرکار سرجمی ءَ ھلاس کنگ مہ بنت۔ سئے شمبے ءِ روچ ءَ صدارتی ایوان ءِ پریس ونگ ءِ رد ءَ صدر ءِ مملکت ءَ انٹیلی جنس ءِ بنیات ءَ آپریشن ءِ ساھت ءَ 9ھندی پراکسی ناشرکار آناں ھلاس کنگ ءِ واستہ سیکورٹی فورسز ءِ بہادری ءَ را ساڑات۔ آئی ءَ گوشت کہ بھارت وتی پراکسی ءِ وسیلگ ءَ پاکستان ءَ ناشرکاری شنگ کنگ ءَ انت۔ سیکورٹی فورسز ءِ کارروائی ھما وھد ءَ برجاہ بیت داں ناشرکار سرجم ءَ ھلاس کنگ بہ بنت۔ صدر ءِ مملکت ءَ گوشت کہ پاکستان ءِ سیکورٹی فورسز ھندوستانی ناشرکار آنی ھلاسی ءِ واستہ آپریشن کنگ ءَ انت، ناشرکاریں عناصر ءِ ھلاسی ءُ ملک ءِ رکھینگ ءِ واستہ مئے جزم برجم مان ایت۔ آئی ءَ ناشرکاری ءِ سرجمی ءَ ھلاس کنگ ءِ راجی جزم ءِ ھم درشان کتگ۔