وزیراعظم نا خصوصی کمکار ہارون اخترخان تون اینگرو پولیمراینڈ کیمیکل لمیٹڈ نا ڈل انا اوڑدہی

اسلام آباد۔ 03جون (اے پی پی) وزیراعظم نا خصوصی کمکار صنعت وپیداوار ہارون اخترخان تون اینگرو پولیمر اینڈ کیمیکل لمیٹڈ نا ڈل اوڑدہی کرے ہراٹی ریگولیٹری ڈیوٹیز ، ٹیرف پالیسیز، ہندی صنعت نا رکھ و دا عوامل نا بشخ آتیا اثرآتا بارواٹی گپ وتران کننگا۔ وزارت صنعت و پیداوار آن جاری بیان نا رداٹ ڈل بجلی نا زیات نہاد، کبین خام تیل، پی وی سی نا ودوک درآمدات و ٹیرف جنگ کون آ کیہی چیلنج آتے تالان کرے۔ ڈل داویل آتا ایسری و ملکی صنعت کار آتا کمک کن پی وی سی نا درآمد آ 5آن 10 درسد ریگولیٹری ڈیوٹی عائد کننگ نا درخواست کرے۔ ہارون اخترخان ہندی صنعت آتے مون تروک مشکل آتا اعتراف ءِ کرساپارے کہ اودے داہیت انا درک ءِ کہ دا بشخ مہالو آن بھاز دباؤ ٹی ءِ۔ اوڈل ءِ باوری کرفے کہ حکومت صنعتی پڑاٹی ہروڑنا زوال ءِ توننگ کن سنبرینگوک ءِ۔ وزیراعظم نا وژن ءِ تالان کرسا او پاکستان نا صنعت آتا پیدوار اٹی ودکی نا اہمیت آ زور شاغا ، ولے صنعت نا رکھ اکن درخواست آتا سوب آتے پیدوار کننگ کن جوان و سرجم رپورٹ نا گرج آ زور شاغا۔ داکان بیدس، اوپارت کرے کہ اینگرو پولیمر انجینئرنگ ڈویلپمنٹ بورڈ انا کمک اٹ کاسٹ ڈسائیڈ وانٹیج نا جاچ تیارکے ہراٹی صنعت ءِ مون تروک نسخان تا ہم جاچ بایدے اوار مرے تانکہ دا چیلنج آتا پیدوار عکس مون آ بننگ کے ہرافتا مون ءِ توننگ المی ءِ۔