ایشیائی شونداری بینک پاکستان کن 800 ملین ڈالر نا مالیاتی پیکج نا منظوری ءِ تس

اسلام آباد۔ 03جون (اے پی پی) ایشیائی شونداری بینک (اے ڈی بی) پاکستان کن 800 ملین ڈالر نا مالیاتی پیکج نا منظوری ءِ تسنے۔ وزیرخزانہ نا سلاہکار خرم شہزاد سے شنبے نادے آ راجی رابطہ نا ویب سائٹ ایکس آ تینا کلہو اٹی پارینے کہ بینک انا بورڈ ریسورس موبلائزیشن ریفارم پروگرام (ذیلی پروگرام ٹو) نا منظوری ءِ تسنے ہرانا رداٹ پاکستان ءِ 800 ملین ڈالر نا مالی کمکاری رسینگک۔ پاکستان ءِ ملوک آ کمکاری ٹی 300 ملین ڈالر پالیسی نا بنداو آ کمکاری ءِ۔ اوپارے کہ وزارت خزانہ و وزارت اقتصادی امور نا کماشی ٹی گچین سفارتکاری آن بورڈ انا گیشتری باسک آتا مخ تفی ممکن مسنے۔